విజయవాడలోని అంబేడ్కర్ కళావేదికలో జరిగిన పాన్ ఐఐటీ సదస్సులో ముఖ్యమంత్రి చంద్రబాబు నాయుడు పాల్గొన్నారు. ఈ సందర్భంగా సదస్సు ప్రాంగణంలో ఏర్పాటు చేసిన వివిధ స్టాళ్లను ఆయన సందర్శించి, ఆవిష్కరణలను పరిశీలించారు. ముఖ్యంగా డ్రోన్ నమూనాలు, విద్యుత్ వాహన సాంకేతికతపై ఆసక్తి చూపారు.
సదస్సులో భాగంగా ఏర్పాటు చేసిన స్టాళ్లను ముఖ్యమంత్రి చంద్రబాబు నాయుడు సందర్శించారు. ఆక్సి ఏరోస్పేస్ సంస్థ రూపొందించిన డ్రోన్ నమూనాను ఆయన పరిశీలించి, తయారీకి సంబంధించిన వివరాలను సంస్థ ప్రతినిధులను అడిగి తెలుసుకున్నారు. పెట్రోల్ బైక్ను విద్యుత్ వాహనంగా మార్చే సాంకేతికతను ప్రదర్శించిన స్టాల్ను కూడా సీఎం సందర్శించారు. సుమారు రూ.40 వేల వ్యయంతో ఈ మార్పు సాధ్యమవుతుందని, దీనికి సంబంధించిన వివరాలను అధికారులు వివరించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
వివిధ స్టార్టప్ సంస్థలు, ఐఐటీ విద్యార్థులు రూపొందించిన ఆవిష్కరణలను చంద్రబాబు పరిశీలించారు. ఆయా ప్రాజెక్టుల ఉద్దేశం, పెట్టుబడులు, పారిశ్రామిక విస్తరణ, ఉపాధి అవకాశాలపై ఆయన వివరాలు తెలుసుకున్నారు. రక్షణ రంగానికి సంబంధించిన డ్రోన్లు, ఉపగ్రహ ఆధారిత నగర మ్యాపింగ్, కృత్రిమ మేధ ఆధారిత ఆరోగ్య పరీక్షల వంటి ప్రతిపాదనలపై కూడా ముఖ్యమంత్రి ఆసక్తి చూపినట్లు నివేదికలు వెల్లడించాయి.
