వరంగల్ జిల్లా ప్రజావాణి కార్యక్రమంలో ఒక బాధితుడు పెట్రోల్ పోసుకుని ఆందోళనకు దిగడంతో కలకలం రేగింది. తన సమస్యను అధికారులు పట్టించుకోవడం లేదని ఆవేదనతో గట్ల సురేందర్ ఈ చర్యకు పాల్పడ్డారు. ఘటనతో అక్కడున్న అధికారులు, సిబ్బంది అప్రమత్తమయ్యారు.
మండలం పోనకల్ గ్రామానికి చెందిన గట్ల సురేందర్, తన సమస్యపై అధికారులకు వినతిపత్రం సమర్పించేందుకు ప్రజావాణికి వచ్చారు. పలుమార్లు అధికారుల దృష్టికి తీసుకెళ్లినా సమస్య పరిష్కారం కాలేదనే ఆవేదనతో ఆయన ఈ చర్యకు పాల్పడినట్లు తెలుస్తోంది. విషయం గుర్తించిన వెంటనే అక్కడున్న అధికారులు జోక్యం చేసుకుని ఆయనను అదుపులోకి తీసుకున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ ఘటనపై స్పందించిన జిల్లా కలెక్టర్, బాధితుడి సమస్యను వెంటనే పరిశీలించాలని సంబంధిత అధికారులను ఆదేశించారు. ప్రజల నుంచి వచ్చే ఫిర్యాదులను క్షేత్రస్థాయిలో పరిశీలించి, నిబంధనల ప్రకారం పరిష్కరించాలని అధికారులకు సూచించారు.
