భారత క్రికెటర్లు విజయ్ శంకర్, కేఎస్ భరత్, మురుగన్ అశ్విన్ అఫ్గానిస్థాన్ ప్రీమియర్ లీగ్ (ఏపీఎల్) ఆటగాళ్ల డ్రాఫ్ట్కు తమ పేర్లను నమోదు చేసుకున్నారు. న దుబాయ్లో జరగనున్న ఆటగాళ్ల ఎంపిక ప్రక్రియలో ఈ ముగ్గురి పేర్లు పరిశీలనకు రానున్నాయి. మొత్తం 1,500 మందికి పైగా ఆటగాళ్లు నమోదు చేసుకోగా, 462 మందిని డ్రాఫ్ట్ జాబితాలో చేర్చారు.
భారత క్రికెటర్లు విదేశీ టీ20 లీగ్లలో ఆడటం అరుదు. అయితే దేశవాళీ క్రికెట్, ఐపీఎల్ నుంచి వైదొలిగిన కొందరు ఆటగాళ్లు విదేశీ లీగలలో అవకాశాలను అన్వేషిస్తున్నారు. ఈ క్రమంలో భారత మాజీ క్రికెటర్లు విజయ్ శంకర్, కేఎస్ భరత్, స్పిన్నర్ మురుగన్ అశ్విన్ అఫ్గానిస్థాన్ ప్రీమియర్ లీగ్ (ఏపీఎల్) ఆటగాళ్ల డ్రాఫ్ట్కు తమ పేర్లను నమోదు చేసుకున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
విజయ్ శంకర్కు మరో అవకాశం
ఆల్రౌండర్ విజయ్ శంకర్ భారత జట్టు తరఫున 12 వన్డేలు, 9 టీ20 మ్యాచ్లు ఆడాడు. 2019 వన్డే ప్రపంచకప్లోనూ భారత జట్టులో సభ్యుడిగా ఉన్నాడు. ఐపీఎల్లో చెన్నై సూపర్ కింగ్స్, సన్రైజర్స్ హైదరాబాద్, గుజరాత్ టైటాన్స్ జట్లకు ప్రాతినిధ్యం వహించాడు. 2026లో భారత దేశవాళీ క్రికెట్, ఐపీఎల్ నుంచి వైదొలగుతున్నట్లు ప్రకటించి విదేశీ లీగ్లపై దృష్టి సారించాడు. ఇప్పటికే లంక ప్రీమియర్ లీగ్లో కాండీ రాయల్స్ తరఫున ఆడేందుకు ఒప్పందం చేసుకున్నాడు. ఇప్పుడు అఫ్గాన్ లీగ్ డ్రాఫ్ట్లోనూ పేరు నమోదు చేసుకున్నాడు.
