హాంకాంగ్ సిక్సెస్ 2026 టోర్నీలో భారత జట్టు ప్రదర్శన నిరాశజనకంగా కొనసాగుతోంది. పాకిస్థాన్, యూఏఈ లతో పాటు తాజాగా ఇంగ్లండ్తో జరిగిన బౌల్ సెమీఫైనల్ మ్యాచ్లోనూ భారత్ ఓటమి పాలైంది. దీంతో టోర్నీలో ఇది భారత జట్టుకు వరుసగా మూడో పరాజయం.
శనివారం జరిగిన బౌల్ సెమీఫైనల్లో ఇంగ్లండ్తో తలపడిన భారత జట్టు మూడు పరుగుల తేడాతో ఓడిపోయింది. తొలుత బ్యాటింగ్ చేసిన ఇంగ్లండ్ ఆరు ఓవర్లలో రెండు వికెట్ల నష్టానికి 124 పరుగుల భారీ స్కోరు సాధించింది. ఆ జట్టు బ్యాటర్ మార్టిన్ ఆండర్సన్ కేవలం 13 బంతుల్లోనే 51 పరుగులు చేసి భారత బౌలర్లపై విరుచుకుపడ్డాడు. ఎడ్ బర్నార్డ్ 35 పరుగులతో నాటౌట్గా నిలిచాడు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రాహుల్ త్రిపాఠి మెరుపు ఇన్నింగ్స్ వృథా
125 పరుగుల లక్ష్యంతో బరిలోకి దిగిన భారత్కు ఆరంభంలోనే ఎదురుదెబ్బ తగిలింది. నితీశ్ రాణా మరోసారి బ్యాట్తో నిరాశపరిచాడు. అయితే రాహుల్ త్రిపాఠి అద్భుతంగా ఆడాడు. కేవలం 14 బంతుల్లోనే అజేయంగా 56 పరుగులు సాధించాడు. శశాంక్ సింగ్ 9 బంతుల్లో 29 పరుగులు చేసి జట్టును విజయానికి చేరువ చేశాడు.
