భారత బ్యాడ్మింటన్ స్టార్ పీవీ సింధు హైలో ఓపెన్ సూపర్ 500 టోర్నమెంట్లో సెమీఫైనల్కు చేరుకున్నారు. డెన్మార్క్కు చెందిన అమాలీ షుల్జ్పై వరుస గేముల్లో విజయం సాధించారు. మరోవైపు, భారత క్రీడాకారిణి అన్మోల్ ఖర్బ్ కూడా సెమీఫైనల్ చేరడంతో మహిళల సింగిల్స్ ఫైనల్లో ఒక భారత క్రీడాకారిణి తప్పనిసరిగా ఉంటారు.
రెండో సీడ్గా బరిలోకి దిగిన సింధు ఆరంభం నుంచే ప్రత్యర్థిపై ఆధిపత్యం ప్రదర్శించారు. వేగవంతమైన స్మాష్లు, కచ్చితమైన షాట్లతో అమాలీకి కోలుకునే అవకాశం ఇవ్వలేదు. తొలి గేమ్ను 21-12తో సొంతం చేసుకున్నారు. రెండో గేమ్లోనూ అదే దూకుడు కొనసాగిస్తూ 21-10తో గెలిచారు. కేవలం 28 నిమిషాల్లోనే మ్యాచ్ను ముగించి సెమీఫైనల్ బెర్తు ఖాయం చేసుకున్నారు. అమాలీ షుల్జ్తో సింధుకు ఇది రెండో విజయం. గతంలో థాయ్లాండ్ ఓపెన్లోనూ వీరిద్దరూ తలపడగా సింధు వరుస గేముల్లో విజయం సాధించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మరో భారత క్రీడాకారిణితోనే సెమీఫైనల్ పోరు
మహిళల సింగిల్స్లో మరో క్వార్టర్ ఫైనల్ మ్యాచ్లో భారత క్రీడాకారిణి అన్మోల్ ఖర్బ్ ఆరో సీడ్ ఉన్నతి హూడాపై విజయం సాధించారు. గంటా ఎనిమిది నిమిషాల పాటు సాగిన పోరులో అన్మోల్ 21-17, 18-21, 21-16తో గెలిచారు. మొదటి గేమ్ను అన్మోల్ గెలుచుకోగా.. రెండో గేమ్లో ఉన్నతి పుంజుకుని మ్యాచ్ను నిర్ణయాత్మక గేమ్కు తీసుకెళ్లారు. మూడో గేమ్లో ఒక దశలో వెనుకబడిన అన్మోల్ వరుసగా ఎనిమిది పాయింట్లు సాధించి ఆధిక్యంలోకి వచ్చారు. చివరకు 21-16తో గేమ్ను గెలిచి సెమీఫైనల్కు చేరుకున్నారు.
