మన్యం వీరుడు అల్లూరి 129వ జయంతి: తిరుపతి పోలీసుల ఘన నివాళి

ఈ సందర్భంగా జిల్లా ఎస్పీ మాట్లాడుతూ, అల్లూరి సీతారామరాజు భారత స్వాతంత్ర్య సంగ్రామ చరిత్రలో చిరస్థాయిగా నిలిచిన మహనీయుడని కొనియాడారు. బ్రిటిష్ పాలకుల దమనకాండకు వ్యతిరేకంగా ఆదివాసీలను సంఘటితం చేసి సాయుధ పోరాటానికి నాయకత్వం వహించిన ఆయన దేశభక్తి, త్యాగనిరతి, ధైర్యసాహసాలు భావితరాలకు స్ఫూర్తిదాయకమని అన్నారు. స్వాతంత్ర్యం కోసం ఆయన చేసిన త్యాగం, చూపిన పట్టుదల ప్రతి భారతీయుడు స్మరించుకోవాల్సిన గొప్ప ఆదర్శమని పేర్కొన్నారు.

అనంతరం అదనపు ఎస్పీలు, ఏఆర్ డీఎస్పీ, ఆర్ఎస్‌ఐలు, జిల్లా పోలీస్ కార్యాలయంలోని వివిధ విభాగాల అధికారులు, పోలీసు సిబ్బంది అల్లూరి సీతారామరాజు చిత్రపటానికి పూలమాలలు వేసి ఘనంగా నివాళులర్పించారు.

ఈ కార్యక్రమంలో అదనపు ఎస్పీ (పరిపాలన) శ్రీనివాసులు, అదనపు ఎస్పీ (సాయుధ దళం) శ్రీనివాసరావు, ఏఆర్ డీఎస్పీ చంద్రశేఖర్, ఆర్ఎస్‌ఐలు, జిల్లా పోలీస్ కార్యాలయం అధికారులు, పోలీసు సిబ్బంది పాల్గొన్నారు.