: పెన్షన్ల పంపిణీలో కీలక మార్పులు - కేంద్ర, రాష్ట్ర వాటాలు విడివిడిగా జమ

వృద్ధులు, ఒంటరి మహిళలు, వితంతువులకు అందే మొత్తం రూ.4,000 పెన్షన్లో కేంద్ర వాటా రూ.200 బ్యాంకు ఖాతాలో జమ అవుతుంది. మిగిలిన రాష్ట్ర వాటా రూ.3,800 లబ్ధిదారుల చేతికి వస్తుంది. దివ్యాంగులకు అందే మొత్తం రూ.6,000 పెన్షన్లో కేంద్ర వాటా రూ.300 బ్యాంకు ఖాతాలో జమ అవుతుంది. రాష్ట్ర వాటా రూ.5,700 చేతికి వస్తుంది.

డయాలసిస్ లేదా తీవ్ర అనారోగ్యంతో బాధపడుతున్న వారికి అందే మొత్తం రూ.10,000 పెన్షన్లో కేంద్ర వాటా రూ.300 నుంచి రూ.500 వరకు బ్యాంకు ఖాతాలో జమ అవుతుంది. మిగిలిన మొత్తం చేతికి ఇస్తారు.

లబ్ధిదారులు తప్పనిసరిగా చేయాల్సినవి

ఈ కొత్త విధానం సక్రమంగా అమలు కావాలంటే లబ్ధిదారులు కొన్ని పనులు తప్పనిసరిగా చేయాలి. అందులో ముఖ్యంగా, తమ బ్యాంక్ ఖాతాకు ఆధార్ లింక్ తప్పనిసరిగా చేయించుకోవాలి. అలాగే, బ్యాంక్ ఖాతా యాక్టివ్లో ఉండాలి. ఒకవేళ ఆధార్ లింక్ లేకపోతే కేంద్ర వాటా జమ కాదు, దీనివల్ల లబ్ధిదారులు కార్యాలయాల చుట్టూ తిరగాల్సి వస్తుంది.

అధికారుల సూచన

కాబట్టి లబ్ధిదారులు వెంటనే తమ బ్యాంకుకు వెళ్లి ఆధార్ లింక్ అయ్యిందో లేదో సరిచూసుకోవాలని అధికారులు సూచిస్తున్నారు. ఈ మార్పుల వల్ల పెన్షన్ల పంపిణీలో పారదర్శకత పెరుగుతుందని భావిస్తున్నారు.