తిరుపతి, తిరుమల రానున్న ఉపరాష్ట్రపతి.. పటిష్ట బందోబస్తుకు ఆదేశాలు

ఈ సందర్భంగా జిల్లా కలెక్టర్ డా. ఎస్. వెంకటేశ్వర్ మాట్లాడుతూ, ఉపరాష్ట్రపతి పర్యటనలో చిన్నపాటి లోపాలకు కూడా తావు లేకుండా అన్ని శాఖలు సమన్వయంతో పని సూచించారు. వైద్య ఆరోగ్య శాఖ ఆధ్వర్యంలో నిపుణులైన వైద్యులను అందుబాటులో ఉంచాలని, సేఫ్ రూమ్, అధునాతన లైఫ్ సపోర్ట్ అంబులెన్సులు, అవసరమైన రక్తం, మందులను సిద్ధంగా ఉంచాలని ఆదేశించారు. అగ్నిమాపక శాఖ ఫైర్ ఇంజిన్లతో అప్రమత్తంగా ఉండాలని, ఫుడ్ సేఫ్టీ అధికారులు ఆహార నాణ్యతను తనిఖీ , విద్యుత్ సరఫరాలో అంతరాయం లేకుండా చూడాలని, కాన్వాయ్ వాహనాలను ముందుగానే పరిశీలించాలని సూచించారు.

పటిష్ట బందోబస్తుకు ఆదేశాలు

జిల్లా ఎస్పీ ఎల్. సుబ్బరాయుడు మాట్లాడుతూ, ఉపరాష్ట్రపతి పర్యటన నేపథ్యంలో పటిష్టమైన బందోబస్తు ఏర్పాటు , ప్రతి అధికారి, సిబ్బంది అప్రమత్తంగా ఉండాలని ఆదేశించారు. ట్రాఫిక్ కు అంతరాయం కలగకుండా ముందస్తు చర్యలు తీసుకోవాలని, విధుల్లో నిర్లక్ష్యం వహిస్తే క్రమశిక్షణ చర్యలు తప్పవని హెచ్చరించారు.

తిరుచానూరు, తిరుమల ప్రాంతాల్లో సమీక్ష

అనంతరం తిరుపతిలోని పద్మావతి అతిథి భవనంలో టీటీడీ సీవీ ఎస్వో మురళీకృష్ణ ఐపీఎస్, టీటీడీ అధికారులతో కలిసి తిరుచానూరు, తిరుమల ప్రాంతాల్లో చేపట్టాల్సిన ఏర్పాట్లపై సమీక్షించారు. ఈ సమావేశాల్లో ఇంటెలిజెన్స్, పోలీస్ శాఖల అధికారులు, వివిధ శాఖల ప్రతినిధులు పాల్గొన్నారు.