తెలంగాణలో శనివారం పాఠశాలలకు సెలవు ఎమ్మెల్సీ కీలక ప్రతిపాదన

ఇదే కాకుండా, 2026 ప్రభుత్వ సెలవుల క్యాలెండర్లో మార్పులు చేయాలని కూడా ఎమ్మెల్సీ కోరారు. దీపావళి సెలవు ఆదివారం నాడు వస్తే, సోమవారాన్ని కూడా సాధారణ సెలవుగా ప్రకటించాలని విజ్ఞప్తి చేశారు. రక్షాబంధన్, వరలక్ష్మీ వ్రతం వంటి పండుగలకు సాధారణ సెలవులు ఇవ్వాలని, తొలిఏకాదశి, రథసప్తమిని ఐచ్ఛిక సెలవుల జాబితాలో చేర్చాలని ఆయన ప్రతిపాదించారు.

అయితే, ముఖ్యమైన విషయం ఏమిటంటే.. తెలంగాణ ప్రభుత్వం ఇప్పటివరకు శనివారం సెలవును ప్రకటించలేదు. వారానికి ఐదు రోజుల పని విధానం ప్రస్తుతం ఎమ్మెల్సీ చేసిన ప్రతిపాదన మాత్రమే. ప్రభుత్వం అధికారిక ఉత్తర్వులు జారీ చేసిన తర్వాతే ఈ విధానం అమల్లోకి వస్తుంది.

తెలంగాణలో పాఠశాలలకు వారానికి ఐదు రోజుల పని దినాల విధానాన్ని అమలు చేయాలని ఉపాధ్యాయ ఎమ్మెల్సీ మల్క కొమరయ్య ముఖ్యమంత్రి రేవంత్ రెడ్డికి ప్రతిపాదించారు. ఈ ప్రతిపాదన ప్రకారం, శనివారం కూడా సెలవు దినంగా మారే అవకాశం ఉంది. వాతావరణ మార్పులు, నీటి కొరత వంటి అంశాలను దృష్టిలో ఉంచుకుని ఈ ప్రతిపాదన చేశారు.

ఐదు రోజుల పని దినం ప్రతిపాదనలో ఏముంది?

ఈ ప్రతిపాదన ప్రకారం, వారానికి ఐదు రోజులు మాత్రమే పాఠశాలలు పనిచేస్తాయి. శనివారం, ఆదివారం సెలవులు ఉంటాయి. బోధనా సమయాన్ని భర్తీ చేయడానికి సోమవారం నుంచి శుక్రవారం వరకు ప్రతిరోజూ అదనంగా 35-40 నిమిషాల తరగతులు నిర్వహించాలని సూచించారు.