ప్రొద్దుటూరు టౌన్ బ్యాంకులో అవకతవకలపై సహకార అధికారుల తనిఖీలు

జిల్లా సహకార అధికారి () వెంకటసుబ్బయ్య, జిల్లా సహకార లెక్కల అధికారి () సత్యానంద్, ఏఆర్ చెన్న కృష్ణారెడ్డితో కూడిన బృందం బ్యాంకుకు చేరుకుంది. వారు బ్యాంకు రికార్డులను క్షుణ్ణంగా పరిశీలిస్తున్నారు.

గోప్యతా ఉల్లంఘన ఆరోపణలు

ముఖ్యంగా గోప్యంగా ఉంచాల్సిన ఖాతాదారుల వ్యక్తిగత వివరాలు, లావాదేవీల వివరాలను బ్యాంక్ పాలకవర్గ సభ్యులే బహిరంగంగా పెట్టారనే ఆరోపణలు తీవ్ర దుమారం రేపుతున్నాయి. ఈ అంశంపై అధికారులు ప్రత్యేకంగా దృష్టి సారించి విచారణ జరుపుతున్నారు.

బ్యాంకు పాలన, ఆర్థిక లావాదేవీలకు సంబంధించిన పూర్తి రికార్డులను అధికారులు స్వాధీనం చేసుకుని పరిశీలిస్తున్నామని తెలిపారు. విచారణ నివేదిక ఆధారంగా తదుపరి చర్యలు తీసుకుంటామని పేర్కొన్నారు.