కడప జిల్లా ప్రజలకు వినాయక చవితి పండుగ శుభాకాంక్షలు ఎస్పీ షెల్కే నచికేత్ విశ్వనాథ్, ఐపిఎస్

డిస్ట్రిక్ట్ బ్యూరో చీఫ్ డాక్షిన్ టైమ్స్ . వినాయక చవితి పర్వదినాన్ని పురస్కరించుకుని జిల్లా ప్రజలకు, పోలీసు అధికారులు, సిబ్బంది, మీడియా మిత్రులకు వై.ఎస్.ఆర్. జిల్లా ఎస్పీ షెల్కే నచికేత్ విశ్వనాథ్, ఐపిఎస్ హృదయపూర్వక శుభాకాంక్షలు తెలియజేశారు. జిల్లా ప్రజలందరికీ సకల శుభాలు కలగాలని, అందరి జీవితాల్లో విఘ్నాలు తొలగిపోయి విజయాలు సిద్ధించాలని ఆకాంక్షించారు. గణనాథుడి ఆశీస్సులతో జిల్లాలోని ప్రతి కుటుంబం సుఖసంతోషాలతో, ఆయురారోగ్యాలతో, అభివృద్ధిలో ముందడుగు వేయాలని అభిలషించారు. వినాయక చవితి వేడుకలు, గణేష్ నిమజ్జనం కార్యక్రమాలను ప్రశాంతంగా, ఆనందోత్సాహాలతో, భక్తిశ్రద్ధలతో నిర్వహించుకోవాలని ప్రజలకు విజ్ఞప్తి చేశారు. మట్టి వినాయక ప్రతిమలను పూజించి పర్యావరణాన్ని పరిరక్షించడంతో పాటు, పర్యావరణహితంగా పండుగను జరుపుకోవాలని జిల్లా ఎస్పీ షెల్కే నచికేత్ విశ్వనాథ్, ఐపిఎస్ గారు సూచించారు.