ఎంబీబీఎస్ మొదటి సంవత్సరం పరీక్షలో ఉత్తీర్ణత సాధించలేక ఇబ్బందులు ఎదుర్కొంటున్న విద్యార్థులకు జాతీయ వైద్య కమిషన్ (ఎన్ఎంసీ) కీలక ఉపశమనం కల్పించింది. 201920 విద్యా సంవత్సరం నుంచి ఎంబీబీఎస్లో చేరిన అర్హులైన విద్యార్థులకు మొదటి ప్రొఫెషనల్ పరీక్షలో ఉత్తీర్ణత సాధించేందుకు మరో అవకాశం ఇవ్వాలని నిర్ణయించింది.
దీంతో గతంలో అనుమతించిన నాలుగు ప్రయత్నాలకు అదనంగా ఒకసారి పరీక్ష రాసే వీలు కలుగుతుంది. మొత్తం ఐదు ప్రయత్నాల వరకు అవకాశం ఉంటుంది. ఈ నిర్ణయం ఒక్కసారి మాత్రమే వర్తించే ప్రత్యేక వెసులుబాటు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
కొవిడ్ పరిస్థితులు.. ఇతర సమస్యలను పరిగణనలోకి తీసుకుని నిర్ణయం
విద్యార్థులు, విశ్వవిద్యాలయాలు, ఇతర వర్గాల నుంచి వచ్చిన విజ్ఞప్తులను పరిశీలించిన తర్వాత ఎన్ఎంసీ ఈ నిర్ణయం తీసుకుంది. కొవిడ్ మహమ్మారి కారణంగా విద్యాభ్యాసంలో ఎదురైన అంతరాయాలు, ఆరోగ్య సమస్యలు, వ్యక్తిగత ఇబ్బందుల వల్ల కొందరు విద్యార్థులు నిర్ణీత ప్రయత్నాల్లో పరీక్షలో ఉత్తీర్ణత సాధించలేకపోయారు. ఈ పరిస్థితులను దృష్టిలో ఉంచుకుని అదనపు అవకాశం కల్పించినట్లు కమిషన్ తెలిపింది.
