చందాదారులకు రూ. 30 లక్షల హెల్త్ కవరేజ్: కేంద్రం స్వాస్థ్య పథకం

ఈ పథకం కింద భార్యాభర్తలు, ఇద్దరు పిల్లలతో కూడిన కుటుంబానికి ఫ్యామిలీ ఫ్లోటర్ రక్షణ ఉంటుంది. అయితే, తల్లిదండ్రులకు ఈ కవరేజ్ వర్తించదు. 18 నుంచి 70 ఏళ్ల వయసు వారు ఈ పథకంలో చేరవచ్చు. గరిష్టంగా 85 ఏళ్ల వరకు రెన్యూవల్ చేసుకునే వెసులుబాటు కల్పించారు.

సూపర్ టాప్-అప్ కవర్

ఇన్సూరెన్స్ కవరేజ్ విషయానికి వస్తే, ఎంచుకున్న ప్లాన్ను బట్టి రూ. 1 లక్ష నుంచి గరిష్టంగా రూ. 30 లక్షల వరకు సూపర్ టాప్-అప్ కవర్ లభిస్తుంది. దీంతో పెద్ద మొత్తంలో వైద్య ఖర్చులు వచ్చినప్పుడు చందాదారులకు అండగా నిలుస్తుంది.

ఖాతా ప్రారంభం మరియు విత్డ్రాయల్

చెల్లింపుల వివరాల ప్రకారం, మొదటి ఏడాది హెల్త్ ప్రీమియంతో పాటు రూ. 200 వార్షిక మెయింటెనెన్స్ ఛార్జీ, కనీస డిపాజిట్ రూ. 1,000తో ఖాతా ప్రారంభించవచ్చు. ఆ తర్వాత కనీస పెట్టుబడి కేవలం రూ. 10 మాత్రమే. అత్యవసర వైద్య ఖర్చుల కోసం ఖాతాదారుడు తన కాంట్రిబ్యూషన్ నుంచి 25 శాతం వరకు పాక్షిక విత్డ్రాయల్ చేసుకునే సదుపాయం కూడా ఉంది.