ఉత్తరప్రదేశ్ రాష్ట్రంలోని ఏటా జిల్లాలో విషాదకర సంఘటన చోటుచేసుకుంది. చౌమిన్ తింటున్నప్పుడు ఆహారం శ్వాసనాళంలో ఇరుక్కుపోవడంతో 14 ఏళ్ల బాలిక మృతి చెందింది. ఆహారం శ్వాసనాళంలో ఇరుక్కుపోవడం వల్లే ఈ ఘటన జరిగి ఉండవచ్చని వైద్యులు ప్రాథమికంగా భావిస్తున్నారు.
అయితే, పోస్టుమార్టం నిర్వహించకపోవడంతో మరణానికి కచ్చితమైన కారణం అధికారికంగా నిర్ధారణ కాలేదు. వార్తా కథనాల ప్రకారం, ఉత్తరప్రదేశ్ రాష్ట్రంలోని ఏటా జిల్లాకు చెందిన మిరహ్చీ ప్రాంతానికి చెందిన తనూ శ్రీవాస్తవ్ (14) పదో తరగతి చదువుతోంది. రామనవమి సందర్భంగా కుటుంబ సభ్యులతో కలిసి కాస్గంజ్లోని చాముండా ఆలయానికి వెళ్లింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
దర్శనం అనంతరం ఐస్క్రీమ్, చౌమిన్ తిన్నది. తిరుగు ప్రయాణంలో శీతల పానీయం కూడా తాగినట్లు కుటుంబ సభ్యులు తెలిపారు. ప్రయాణం కొనసాగుతుండగా బాలికకు ఎక్కిళ్లు వచ్చాయి. అనంతరం వాంతులు కావడంతో పాటు శ్వాస తీసుకోవడంలో ఇబ్బంది ఏర్పడింది. కొద్దిసేపటికే ఆమె స్పృహ కోల్పోయింది.
