నదులను శుభ్రం చేయాలనే లక్ష్యంతో నెలల తరబడి శ్రమించిన ఓ యువకుడికి నిరాశ ఎదురైంది. మధ్యప్రదేశ్లోని అజ్నార్ నదిని శుభ్రం చేసిన పర్యావరణ కార్యకర్త బిట్టు తబాహీ, మళ్లీ నది చెత్తతో నిండిపోవడంతో ఆవేదన వ్యక్తం చేశారు. ఎనిమిది నెలల కష్టం వృథా అయిందని ఆయన పేర్కొన్నారు.
మధ్యప్రదేశ్లోని రాజ్గఢ్ జిల్లా బియోరా ప్రాంతంలో ప్రవహించే అజ్నార్ నదిని శుభ్రం చేసేందుకు బిట్టు తబాహీ ఈ ఏడాది జనవరిలో తన ప్రయత్నాలను ప్రారంభించారు. ప్లాస్టిక్ సంచులు, ఇతర చెత్తను తొలగిస్తూ ఎక్కువ భాగం పనిని సొంతంగా చేపట్టారు. ప్రత్యేక పరికరాలు లేకుండానే నెలల తరబడి శ్రమించి నదిని శుభ్రం చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అయితే తాజాగా అక్కడికి వెళ్లి చూడగా నది ఒడ్డున మళ్లీ ప్లాస్టిక్ సంచులు, ఇతర వ్యర్థాలు కనిపించాయి. ఆయన విడుదల చేసిన వీడియోలో నది పరిస్థితిని చూపిస్తూ, ఎనిమిది నెలల తన శ్రమ ఇలా వృథా అవుతుందని ఊహించలేదని ఆయన పేర్కొన్నారు. నిరాశ వ్యక్తం చేసినప్పటికీ మరోసారి చెత్తను తొలగించే పనిలో నిమగ్నమయ్యారు. నదిలోకి దిగి వ్యర్థాలను బయటకు తీస్తున్న ఆయన దృశ్యాలు పలువురిని కదిలించాయి.
