అమెరికా, చైనా మధ్య పెరుగుతున్న పోటీ సైనిక ఘర్షణకు దారితీయకుండా జాగ్రత్త పడాలని చైనా అధ్యక్షుడు షీ జిన్పింగ్ అన్నారు. వాషింగ్టన్లో అమెరికా అధ్యక్షుడు డొనాల్డ్ ట్రంప్తో జరిగిన సమావేశంలో ఇరు దేశాల మధ్య సహకారం, నిరంతర సంభాషణ అవసరాన్ని ఆయన ప్రస్తావించారు.
అమెరికా, చైనా వేర్వేరు వ్యవస్థలు, పరిస్థితులు కలిగిన దేశాలైనప్పటికీ, నేరుగా, లోతుగా, నిరంతరంగా చర్చలు జరపడం ద్వారా పరస్పర అవగాహన పెంచుకోవచ్చని జిన్పింగ్ పేర్కొన్నారు. విభేదాలను పక్కనపెట్టి ఉమ్మడి అంశాలపై కలిసి పనిచేయడం, పరస్పర విశ్వాసాన్ని పెంపొందించుకోవడం అవసరమని చెప్పారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
రెండు దేశాలు శాంతియుతంగా సహజీవనం చేయాలని, సహకారం ద్వారా ఇరు దేశాలకు ప్రయోజనం ఉంటుందని, ఘర్షణ మాత్రం ఇరువురికీ నష్టం కలిగిస్తుందని జిన్పింగ్ వ్యాఖ్యానించారు. ఇరు దేశాల సైన్యాల మధ్య క్రమం తప్పకుండా సంభాషణ కొనసాగడంతో పాటు, సంక్షోభ పరిస్థితుల్లో వేగంగా సంప్రదించుకునే వ్యవస్థలను బలోపేతం చేయాలని సూచించారు.
