కూటమి ప్రభుత్వ వైఫల్యాలను ప్రజల్లోకి తీసుకెళ్తాం: కడపలో వైఎస్సార్సీపీ సమావేశం

వైఎస్సార్సీపీ హయాంలోని సంక్షేమ పథకాలను ప్రజల్లోకి తీసుకెళ్లడంతో పాటు, ప్రస్తుత కూటమి ప్రభుత్వ వైఫల్యాలను ఎండగట్టాలని నాయకులు సూచించారు. అక్రమ కేసులకు కార్యకర్తలు భయపడాల్సిన అవసరం లేదని, పార్టీ అండగా ఉంటుందని భరోసా ఇచ్చారు. అధికారం శాశ్వతం కాదని, అధికారులు నిష్పక్షపాతంగా వ్యవహరించాలని అంజాద్ బాషా పేర్కొన్నారు.

స్థానిక ఎన్నికల్లో విజయం లక్ష్యం

కడప నగరంలోని 66 డివిజన్లలో పార్టీని బలోపేతం చేసి స్థానిక ఎన్నికల్లో విజయం సాధించాలని పిలుపునిచ్చారు. పార్టీ సభ్యత్వం పొందిన ప్రతి ఒక్కరికీ ఐడీ కార్డులు అందజేస్తామని తెలిపారు. కడప ఎమ్మెల్యే గొప్పలు చెప్పడం తప్ప అభివృద్ధి శూన్యమని, కూటమి ప్రభుత్వం వచ్చి రెండున్నరేళ్లైనా కడప అభివృద్ధికి ఎన్ని నిధులు తెచ్చారో వివరించాలని డిమాండ్ చేశారు.