మణుగూరు,9:,భద్రాద్రి,శ్రీజిల్లా,వేడుకలు

ఈ సందర్భంగా సామాజిక కార్యకర్తలు ఏ. అనసూర్య, మంగీలాల్ దంపతులు తమ కుమారుడు టాటా లాల్తో కలిసి బౌద్ధ ప్రతిమకు పూలమాల వేసి వేడుకలను ప్రారంభించారు. అనంతరం చిన్నారులతో కలిసి దీపాలు వెలిగించి, విద్యార్థులకు మిఠాయిలు పంపిణీ చేశారు.

ముఖ్య అతిథిగా మాజీ సింగరేణి జీఎం

ఈ కార్యక్రమానికి ముఖ్య అతిథులుగా మాజీ సింగరేణి జనరల్ మేనేజర్ చిలుకూరి నరసింహారావు హాజరయ్యారు. ఈ సందర్భంగా పాఠశాల వ్యవస్థాపకులు ఏ. యాదగిరి, లక్ష్మీ దంపతులకు సామాజిక కార్యకర్తలు దీపావళి శుభాకాంక్షలు తెలియజేశారు.

మంగీలాల్ సందేశం

అనంతరం మంగీలాల్ మాట్లాడుతూ, దీపావళి అంటే కేవలం దీపాలు వెలిగించే పండుగ మాత్రమే కాదని, మనలోని అజ్ఞానమనే చీకటిని తొలగించి జ్ఞానమనే వెలుగును నింపుకోవడమే నిజమైన దీపావళి అని అన్నారు. దీపజ్యోతి మనకు వెలుగును చూపినట్లే విద్య మన జీవితానికి దిశానిర్దేశం చేస్తుందని, చదువును మించిన కాంతి, విద్యను మించిన సంపద ప్రపంచంలో మరొకటి లేదని చిన్నారులకు సందేశమిచ్చారు. పిల్లల ఉజ్వల భవిష్యత్తు కోసం ప్రతి ఒక్కరూ కృషి చేయాలని, పేద విద్యార్థుల చదువుకు అండగా నిలవాలని పిలుపునిచ్చారు.

నరసింహారావు ప్రశంస

ఈ సందర్భంగా మాజీ సింగరేణి జీఎం చిలుకూరి నరసింహారావు మాట్లాడుతూ, కాంట్రాక్టు ఉద్యోగులుగా పనిచేస్తున్నప్పటికీ, అవకాశం ఉన్నప్పుడల్లా సామాజిక సేవా కార్యక్రమాలు నిర్వహించడం అభినందనీయమని ప్రశంసించారు. ఇతరులకు సహాయం చేయాలంటే డబ్బు కంటే మంచి మనసు, సేవాభావం ముఖ్యమని పేర్కొంటూ అనసూర్య, మంగీలాల్ దంపతులను అభినందించారు.

ఈ వేడుకల్లో పాఠశాల ఉపాధ్యాయులు, విద్యార్థులు, తదితరులు పాల్గొన్నారు.