కామారెడ్డి రెడ్క్రాస్ పాలకమండలి ఎన్నికలకు నోటిఫికేషన్: 15 స్థానాలకు పోటీ

నామినేషన్ ఫారాలను స్థానిక తహశీల్దార్ కార్యాలయాలు లేదా మండల పరిషత్ కార్యాలయాల నుంచి పొందవచ్చని తెలిపారు. ఉదయం 10 గంటల నుంచి మధ్యాహ్నం 1 గంట వరకు కామారెడ్డి కలెక్టరేట్లోని గది నంబర్-02లో నామినేషన్లు స్వీకరిస్తారు. నామినేషన్ల ఉపసంహరణకు మధ్యాహ్నం 1 గంట వరకు అవకాశం ఉంటుంది. అదే రోజు మధ్యాహ్నం 3 గంటల తర్వాత తుది అభ్యర్థుల జాబితాను ప్రకటించి ఎన్నికల గుర్తులు కేటాయిస్తారు.

పోలింగ్, లెక్కింపు వివరాలు

ఉదయం 8 గంటల నుంచి మధ్యాహ్నం 3 గంటల వరకు కామారెడ్డి పట్టణంలోని జెడ్పీహెచ్ఎస్ బాలుర ఉన్నత పాఠశాలలో పోలింగ్ నిర్వహించనున్నారు. అదే రోజు సాయంత్రం 4 గంటల నుంచి ఓట్ల లెక్కింపు చేపట్టి ఫలితాలను ప్రకటిస్తారు.

అభ్యర్థుల అర్హతలు, ఓటర్లకు సూచనలు

ఎన్నికల్లో పోటీ చేసే అభ్యర్థులకు ఎలాంటి క్రిమినల్ రికార్డు ఉండకూడదని అధికారులు స్పష్టం చేశారు. అభ్యర్థులు ఫారమ్-ను పూర్తిగా నింపి, రూ.10 వేల నాన్-రిఫండబుల్ రుసుము చెల్లించడంతో పాటు, అర్హులైన ఓటర్ల జాబితాలోని ప్రతిపాదకుడు, బలపరిచే వ్యక్తి సంతకాలతో నామినేషన్ దాఖలు చేయాల్సి ఉంటుంది. ఓటర్లు పోలింగ్ రోజున తప్పనిసరిగా ఫొటో గుర్తింపు కార్డు వెంట తీసుకురావాలని సూచించారు.

ఎన్నికలకు సంబంధించిన పూర్తి వివరాలు, నిబంధనలు, సందేహాల నివృత్తి కోసం ఎన్నికల అధికారి టి. ప్రశాంత్ రెడ్డిని 9989487624 నంబరులో సంప్రదించాలని అధికారులు సూచించారు.