తిరుమల భక్తులకు ఆధ్యాత్మిక అనుభూతి: టీటీడీ నూతన ఎక్స్పీరియన్స్ సెంటర్ ప్రారంభం

ఈ సందర్భంగా అదనపు ఈవో మాట్లాడుతూ, భక్తులు దర్శనం కోసం వేచి ఉండే సమయంలో స్వామివారి వైభవం, ఆలయ విశిష్టత, పురాణాలు మరియు చరిత్రను 3డీ, వర్చువల్ రియాలిటీ () సాంకేతికతతో అందించడమే ఈ ఎక్స్పీరియన్స్ సెంటర్ ముఖ్య ఉద్దేశమని తెలిపారు. దుర్లభ్ దర్శనం సంస్థ సహకారంతో కంటెంట్ రూపొందిస్తున్నామని, భవిష్యత్తులో నిరంతరం కొత్త ఆధ్యాత్మిక కథనాలు ప్రసారం చేసేలా ప్రత్యేక వ్యవస్థను ఏర్పాటు చేస్తున్నట్లు పేర్కొన్నారు.

త్వరలో అందుబాటులోకి రానున్న ఆధునీకరించిన శ్రీ వేంకటేశ్వర మ్యూజియం

మరోవైపు, 14 గ్యాలరీలతో సరికొత్త థీమ్ ఆధారంగా రూపుదిద్దుకున్న శ్రీ వేంకటేశ్వర మ్యూజియం త్వరలోనే భక్తులకు అందుబాటులోకి రానుంది. ఇందులో పురావస్తు కళాఖండాలు, తిరుమల వారసత్వ విశేషాలను డిజిటల్ రూపంలో ప్రదర్శించనున్నారు. సిసి కెమెరాలు, భద్రత, గైడ్లు, కళాఖండాలకు నంబరింగ్ వంటి అంశాలతో ప్రామాణిక నిర్వహణ విధానం () ప్రకారం మ్యూజియాన్ని నడిపిస్తామని వివరించారు.

సందర్శించిన మీడియా ప్రతినిధుల నుంచి వచ్చిన సూచనలను పరిగణనలోకి తీసుకుని, ముఖ్యంగా తెలుగు భాషా కంటెంట్ను మరింత పెంచేందుకు చర్యలు తీసుకుంటామని అదనపు ఈవో హామీ ఇచ్చారు. ఈ సమావేశంలో టీటీడీ అధికారులు డిప్యూటీ ఈవో సోమన్నారాయణ, సీపీఆర్వో డాక్టర్ టి.రవి తదితరులు పాల్గొన్నారు.