హామీల అమలులో ప్రభుత్వం విఫలం:

ఈ సందర్భంగా జబ్బర్ మాట్లాడుతూ, ప్రభుత్వం ప్రకటించిన ఆరు గ్యారంటీలను పూర్తిస్థాయిలో అమలు చేయడంలో విఫలమైందని ఆరోపించారు. వృద్ధులు, వితంతువులు, దివ్యాంగుల పింఛన్లు పెంచి దసరా నాటికి అందించాలని కోరారు. మహిళలకు నెలకు రూ.2,500, వ్యవసాయ కూలీలు, కౌలు రైతులు, ఆటో డ్రైవర్లకు ఏడాదికి రూ.12 వేల చొప్పున ఆర్థిక సాయం అందించాలని కోరారు.

ఇతర డిమాండ్లు

60 గజాల ప్రభుత్వ స్థలంలో ఇళ్లు నిర్మించుకున్న వారికి పట్టాలు ఇచ్చి డబుల్ బెడ్రూం ఇళ్లు మంజూరు చేయాలని, ప్రభుత్వ భూములను పరిరక్షించి భూమిలేని పేదలకు పంపిణీ చేయాలని డిమాండ్ చేశారు. ప్రభుత్వ వైద్యాన్ని బలోపేతం చేసి ప్రైవేటు వైద్య దోపిడీని నియంత్రించాలని, ఖాళీగా ఉన్న ఉద్యోగాలను భర్తీ చేయడంతో పాటు నిరుద్యోగులకు ఉద్యోగం లభించే వరకు నెలకు రూ.5 వేల నిరుద్యోగ భృతి ఇవ్వాలని కోరారు.

ఈ కార్యక్రమంలో పార్టీ జిల్లా కమిటీ సభ్యులు లింగం రమేష్ తదితరులు పాల్గొన్నారు.