మలేషియా అంతర్జాతీయ విద్యా సదస్సుకు మైదుకూరు మెజిస్ట్రేట్ డాక్టర్ శంకర్ కు ఆహ్వానం

విద్యార్థుల్లో మానసిక ఒత్తిడి నివారణ, వ్యక్తిత్వ వికాసం, నైపుణ్యాభివృద్ధి, నాయకత్వ లక్షణాలు, జాతీయ సమైక్యత వంటి అంశాలపై డాక్టర్ శంకర్ ఇప్పటివరకు 1500కు పైగా ఉపన్యాసాలు ఇచ్చారు. అలాగే, ప్రజల్లో ధార్మిక భావాలు పెంపొందించే దిశగా 2000కు పైగా ఆధ్యాత్మిక ఉపన్యాసాల ద్వారా చైతన్యం తీసుకువచ్చారు.

రాష్ట్రస్థాయి, జాతీయ స్థాయిలో ఆయన చేస్తున్న సేవలకు గుర్తింపుగా ఈ అంతర్జాతీయ సదస్సుకు ఆహ్వానించినట్లు నిర్వాహకులు తెలిపారు.

సదస్సు లక్ష్యాలు

ఈ సదస్సులో విద్యా వ్యవస్థలో ప్రస్తుతం ఉన్న సవాళ్లు, సంస్కరణలు, నూతన విధానాలపై చర్చించనున్నట్లు వారు పేర్కొన్నారు. సదస్సుకు హాజరయ్యే ప్రముఖులకు విద్యా పురస్కారాలు అందజేయనున్నట్లు గ్లోబల్ జ్ఞాన్ అకాడమీ నిర్వాహకులు వెల్లడించారు.

డాక్టర్ శంకర్ కు అంతర్జాతీయ వేదికపై ఆహ్వానం రావడం పట్ల మైదుకూరు ప్రాంత ప్రజలు, న్యాయవాదులు, విద్యావేత్తలు హర్షం వ్యక్తం చేస్తున్నారు.