దుర్గామాత ఉత్సవాల నిర్వహణపై సదాశివనగర్ లో శాంతి కమిటీ సమావేశం

జిల్లా సదాశివనగర్ సర్కిల్ కార్యాలయంలో దుర్గామాత విగ్రహాల ఉత్సవాల నిర్వహణకు సంబంధించి శాంతి కమిటీ సమావేశం జరిగింది. ఈ సమావేశంలో సీఐ వీరయ్య, ఎస్సై పుష్ప రాజ్, విగ్రహాల నిర్వాహకులు, పూజారులు, హిందూ సంఘాల ప్రతినిధులు పాల్గొన్నారు.

సదాశివనగర్ సర్కిల్ కార్యాలయంలో జరిగిన ఈ సమావేశంలో, దుర్గామాత ఉత్సవాలను భక్తిశ్రద్ధలతో, ప్రశాంత వాతావరణంలో నిర్వహించుకోవాలని సీఐ వీరయ్య సూచించారు. గ్రామాల్లో శాంతిభద్రతలకు విఘాతం కలగకుండా అందరూ సహకరించాలని ఆయన కోరారు.

పండుగల సమయంలో ప్రజల మధ్య ఐక్యత, సోదరభావం, మతసామరస్యాన్ని కాపాడుకోవాలని విజ్ఞప్తి చేశారు. ఉత్సవాలను ఎలాంటి అవాంఛనీయ సంఘటనలు జరగకుండా శాంతియుతంగా నిర్వహించేందుకు నిర్వాహకులు, గ్రామ పెద్దలు, సంబంధిత సంఘాల ప్రతినిధులు పోలీసులకు సహకరించాలని సూచించారు.