ఓటు చోరీని అరికట్టాలి ప్రజాస్వామ్యాన్ని కాపాడాలి: వామపక్షాలు

ఈ సందర్భంగా సీపీఎం ఏరియా కార్యదర్శి చిట్వేల్ రవికుమార్, రాజంపేట సీపీఐ పట్టణ కార్యదర్శి సికిందర్ మాట్లాడుతూ, భారత ప్రజాస్వామ్యాన్ని, రాజ్యాంగాన్ని కాపాడాల్సిన ఎన్నికల కమిషన్ నిష్పక్షపాతంగా వ్యవహరించాలని అన్నారు. ప్రధాన ఎన్నికల కమిషనర్ జ్ఞానేశ్ కుమార్ బీజేపీ నాయకులతో కుమ్మక్కై ఆ పార్టీ విజయానికి సహకరిస్తున్నారని వారు ఆరోపించారు. ప్రజల ప్రాథమిక హక్కు అయిన ఓటు హక్కును దెబ్బతీసే విధంగా అర్హులైన ఓటర్ల పేర్లను ఉద్దేశపూర్వకంగా తొలగించే ప్రయత్నాలు జరుగుతున్నాయని విమర్శించారు.

నిరసనకారులపై కేంద్ర ప్రభుత్వం చర్యలు

ఢిల్లీలో మెట్రో రైల్వే స్టేషన్ల మూసివేత, వివిధ రాష్ట్రాల నుంచి రాజధానికి వచ్చే రైళ్ల రద్దు, భారీ సంఖ్యలో పోలీసులను మోహరించడం వంటి చర్యలతో నిరసనకారులను భయభ్రాంతులకు గురిచేస్తున్నారని నాయకులు ఆరోపించారు. ప్రజాస్వామ్యబద్ధంగా నిరసన తెలిపే హక్కును కేంద్ర ప్రభుత్వం గౌరవించాలని పేర్కొన్నారు.

ధర్నాలో పాల్గొన్న నాయకులు

ఈ కార్యక్రమంలో ఏఐటీయూసీ, సీఐటీయూ నాయకులు రమణ, మున్నా, మస్తాన్, నాగరాజ్, పివి రమణ, ఓబయ్య, ఎం రమణ, సురేషు, రమేష్, బూస్ లి, హరి రాజు తదితరులు పాల్గొన్నారు.