పంచాయతీ ఎన్నికల నేపథ్యంలో గ్రామాల్లో పోలీసుల అవగాహన

ఎన్నికల్లో ఓటర్లను డబ్బు, మద్యంతో ప్రలోభపెట్టడం నేరమని పోలీసులు స్పష్టం చేశారు. శాంతిభద్రతలకు విఘాతం కలిగిస్తే కఠిన చట్టపరమైన చర్యలు తప్పవని హెచ్చరించారు. ప్రతి ఓటరు నిర్భయంగా, స్వేచ్ఛగా ఓటు వేయాలని సూచించారు.

యువత భవిష్యత్తును నాశనం చేసే గంజాయి, ఆన్లైన్ బెట్టింగ్లపై కూడా పోలీసులు అవగాహన కల్పించారు. గంజాయి, బెట్టింగ్లకు దూరంగా ఉండాలని యువతకు సూచించారు. మహిళల భద్రత, పోక్సో చట్టాలపై గ్రామస్తులను చైతన్యపరిచారు.

గ్రామాల్లో ఎలాంటి చట్టవ్యతిరేక కార్యకలాపాలు లేదా ఎన్నికల నిబంధనల ఉల్లంఘన జరిగినా వెంటనే స్థానిక పోలీసులకు లేదా డయల్ 100/112 ద్వారా పోలీసులకు సమాచారం అందించాలని విజ్ఞప్తి చేశారు.

ఎన్నికలు ప్రశాంత వాతావరణంలో జరిగేలా ప్రజలంతా పోలీసులకు సహకరించాలని కోరారు.