డాక్సిన్ టైమ్స్: భాగ్యలక్ష్మి ఆలయంలో దీపావళి ఖజానా పంపిణీ

హైదరాబాద్ పాతబస్తీలోని చార్మినార్ సమీపంలో ఉన్న భాగ్యలక్ష్మి అమ్మవారి ఆలయంలో దీపావళి సందర్భంగా ప్రత్యేక ఖజానా పంపిణీ కార్యక్రమం జరుగుతోంది. భక్తులు సమర్పించిన వెండి కానుకలను కరిగించి తయారు చేసిన ప్రత్యేక నాణేలను ఉచితంగా ప్రసాదంగా అందజేస్తున్నారు. ఈ కార్యక్రమానికి భారీగా భక్తులు తరలివస్తున్నారు.

ఆదివారం రాత్రి 7 గంటలకు ప్రారంభమైన ఈ పంపిణీ కార్యక్రమానికి భక్తుల నుంచి భారీ స్పందన లభిస్తోంది. హైదరాబాద్తో పాటు వివిధ ప్రాంతాల నుంచి భక్తులు పెద్ద సంఖ్యలో ఆలయానికి తరలివస్తున్నారు. వెండి నాణేలను స్వీకరించేందుకు చార్మినార్ నుంచి గుల్జార్ హౌస్ వరకు సుమారు 500 మీటర్ల మేర క్యూలైన్లు ఏర్పడ్డాయి.

భక్తుల రద్దీని దృష్టిలో పెట్టుకుని ఆలయ కమిటీ నాలుగు ప్రత్యేక క్యూలైన్లను ఏర్పాటు చేసింది. ఈ పంపిణీ కార్యక్రమం సోమవారం వరకు మూడు రోజుల పాటు కొనసాగనుంది. అమ్మవారి వెండి నాణెం ఇంటికి తీసుకెళ్తే సిరిసంపదలు, శుభాలు కలుగుతాయని భక్తులు విశ్వసిస్తున్నారు.