తెలంగాణలో ప్రజలకు ప్రభుత్వ సేవలు మరింత చేరువయ్యాయి. ఆదాయ, కుల, నివాస, జనన, మరణ ధ్రువీకరణ పత్రాలతో పాటు ఆధార్ నమోదు, అప్డేట్ వంటి సేవలను ఇక ఇంటి వద్దనే పొందవచ్చు. ఇందుకోసం మీ సేవా డోర్స్టెప్ డెలివరీ సేవను ప్రభుత్వం ప్రారంభించింది.
తెలంగాణ రాష్ట్ర ఐటీ, ఎలక్ట్రానిక్స్ అండ్ కమ్యూనికేషన్స్ శాఖ మంత్రి దుద్దిళ్ల శ్రీధర్ బాబు మార్గదర్శకత్వంలో, ప్రజలకు సౌకర్యవంతమైన, పారదర్శకమైన సేవలు అందించేందుకు మీ సేవా వ్యవస్థను బలోపేతం చేస్తున్నారు. ప్రజలు ఇకపై ఆదాయ, కుల, నివాస, జనన, మరణ ధ్రువీకరణ పత్రాలతో పాటు ఆధార్ నమోదు, ఆధార్ వివరాల అప్డేట్ వంటి పలు సేవలను తమ ఇంటి వద్దనే పొందవచ్చు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మీ సేవా కేంద్రాలు లేదా ఆధార్ కేంద్రాలకు వెళ్లాల్సిన అవసరం లేకుండా, క్యూలలో వేచి ఉండాల్సిన పనిలేకుండా మీ సేవా డోర్స్టెప్ డెలివరీ సేవ ద్వారా సేవలను పొందే అవకాశం కల్పించారు. టోల్ఫ్రీ నంబర్ 1100కు కాల్ చేయడం లేదా మీసేవా పౌరుల పోర్టల్ ద్వారా అభ్యర్థన నమోదు చేసుకోవడం ద్వారా ఈ సేవలను పొందవచ్చు. ఆ తర్వాత మీ సేవా ప్రతినిధి నిర్ణీత సమయంలో ఇంటికి వచ్చి అవసరమైన సేవను అందిస్తారు.
