మంగళవారం వాణిజ్య ప్రారంభంలో స్వల్పంగా పెరిగినప్పటికీ, బంగారం, వెండి ధరలు ఒక్కసారిగా దిగజారాయి. ముఖ్యంగా వెండి ధర కిలోకు రూ.2,200కు పైగా తగ్గగా, బంగారం ధర కూడా భారీగా క్షీణించింది. అంతర్జాతీయ మార్కెట్ పరిణామాల ప్రభావంతో ఈ హెచ్చుతగ్గులు కనిపిస్తున్నాయి.
బహుళ వస్తు మారక మార్కెట్లో డిసెంబర్ గడువు ఉన్న వెండి, సోమవారం రూ.2,39,317 వద్ద ముగిసింది. మంగళవారం ప్రారంభంలో రూ.2.40 లక్షల స్థాయికి చేరినప్పటికీ, కొద్దిసేపటికే అమ్మకాల ఒత్తిడి పెరిగింది. దీంతో వెండి ధర రూ.2,37,100కు పడిపోయింది. అంటే ఒక్క కిలోపై రూ.2,217 తగ్గింది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
గరిష్ఠ స్థాయి నుంచి భారీగా తగ్గిన వెండి
ఈ ఏడాది జనవరి చివరి వారంలో వెండి ధర కిలోకు రూ.4,20,048 స్థాయిని తాకి రికార్డు సృష్టించింది. ప్రస్తుత ధరతో పోలిస్తే ఆ గరిష్ఠ స్థాయి నుంచి వెండి ఏకంగా రూ.1,82,948 తగ్గింది. ఇది పెట్టుబడిదారులకు ఆందోళన కలిగిస్తోంది.
