హైదరాబాద్లోని బోరబండలో దారుణం చోటుచేసుకుంది. మద్యం మత్తులో ఉన్న తండ్రి తన ఐదేళ్ల కుమారుడిని గొంతు నులిమి హత్య చేసినట్లు ఆరోపణలు వెల్లువెత్తాయి. ఈ ఘటన స్థానికంగా తీవ్ర కలకలం రేపింది.
బోరబండ పరిధిలోని శిల్పినగర్కు చెందిన విద్యాసాగర్ (36), దుర్గ దంపతులకు విజయ్ అనే ఐదేళ్ల కుమారుడు ఉన్నాడు. ఆదివారం రాత్రి విద్యాసాగర్ మద్యం మత్తులో ఇంట్లో ఉన్న తన కుమారుడి గొంతు నులిమినట్లు సమాచారం. ఆ సమయంలో బాలుడి తల్లి దుర్గ క్యాటరింగ్ పనుల నిమిత్తం బయటకు వెళ్లింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
తెల్లవారుజామున ఇంటికి తిరిగి వచ్చిన దుర్గ, కుమారుడు విగతజీవిగా పడి ఉండటాన్ని చూసి దిగ్భ్రాంతికి గురైంది. వెంటనే స్థానికులకు సమాచారం అందించింది. దీంతో వారు పోలీసులకు సమాచారం ఇచ్చారు.
