గణేష్ నవరాత్రుల వేళ సైబర్ భద్రతపై ఎస్పీ రాజేష్ చంద్ర కీలక సూచనలు

వినాయకుడు జ్ఞానం, వివేకానికి ప్రతీకగా నిలిచినట్లే, సైబర్ ప్రపంచంలో ప్రతి ఒక్కరూ ఆలోచించి స్పందించడం, అనుమానాస్పద విషయాలను పరిశీలించడం, వ్యక్తిగత సమాచారాన్ని రహస్యంగా ఉంచడం ద్వారా సైబర్ నేరాల బారిన పడకుండా తమను తాము రక్షించుకోవాలని ఎస్పీ గారు తెలిపారు.

వినాయకుడి రూపంలోని సైబర్ జాగ్రత్తలు

పెద్ద చెవులు: అనుమానాస్పద ఫోన్ కాల్స్, మెసేజ్లను జాగ్రత్తగా వినండి, చదవండి. చిన్న కళ్ళు: ఆన్లైన్లో కనిపించే ప్రతి విషయాన్ని వెంటనే నమ్మకుండా పరిశీలించండి. అభయహస్తం: అనుమానాస్పద లింకులు, యాప్లు, కోడ్లను క్లిక్ చేయవద్దు. మూషిక వాహనం: మొబైల్, ఇంటర్నెట్ను జాగ్రత్తగా మరియు బాధ్యతాయుతంగా ఉపయోగించండి. మోదకం: , , పాస్వర్డ్లు, బ్యాంక్ ఖాతా వివరాలు వంటి రహస్య సమాచారాన్ని ఎవరికీ వెల్లడించవద్దు. కలంతో సందేశం: ముఖ్యమైన ఆన్లైన్ లావాదేవీల వివరాలను నమోదు చేసుకుని, అనుమానాస్పద లావాదేవీలపై వెంటనే స్పందించండి.

గణేష్ ఉత్సవాల సమయంలో ప్రత్యేక అప్రమత్తత

గణేష్ ఉత్సవాల సందర్భంగా సైబర్ నేరగాళ్లు ఫేక్ విరాళాల పేరుతో కోడ్లు పంపడం, నకిలీ గణేష్ ఉత్సవ కమిటీలు లేదా నిర్వాహకుల పేరుతో డబ్బులు అడగడం, నకిలీ వెబ్ లింకులు పంపడం, ఫేక్ సోషల్ మీడియా ఖాతాలు సృష్టించడం, నకిలీ కస్టమర్ కేర్ పేరుతో సంప్రదించడం, మరియు మోసాలకు పాల్పడడం వంటి విధానాలను ఉపయోగించే అవకాశం ఉన్నందున ప్రజలు అప్రమత్తంగా ఉండాలని ఎస్పీ గారు సూచించారు.

ముందుగా ఆలోచించండి తర్వాత క్లిక్ చేయండి. మీ అప్రమత్తతే మీ సైబర్ రక్షణ కవచం అని జిల్లా ఎస్పీ గారు ప్రజలకు పిలుపునిచ్చారు.

సైబర్ మోసానికి గురైతే వెంటనే 1930కు కాల్ చేయండి

ఎవరైనా సైబర్ మోసానికి గురైన వెంటనే ఆలస్యం చేయకుండా జాతీయ సైబర్ క్రైమ్ హెల్ప్లైన్ 1930కు కాల్ చేయాలని లేదా ... ద్వారా ఫిర్యాదు చేయాలని జిల్లా ఎస్పీ గారు సూచించారు. మోసం జరిగిన వెంటనే ఫిర్యాదు చేయడం ద్వారా మోసపోయిన నగదును నిలిపివేసే అవకాశం ఎక్కువగా ఉంటుందని తెలిపారు. సైబర్ నేరాల నివారణలో ప్రజల అప్రమత్తతతో పాటు, పోలీసులకు సకాలంలో సమాచారం అందించడం ఎంతో కీలకమని పేర్కొన్నారు.

గణేష్ నవరాత్రులను భక్తిశ్రద్ధలతో, ప్రశాంతంగా, ఆనందంగా జరుపుకుందాం సైబర్ నేరాల పట్ల అప్రమత్తంగా ఉండి సురక్షిత కామారెడ్డిని నిర్మిద్దాం.