యూఈఎఫ్ఏ నేషన్స్ లీగ్లో పోర్చుగల్ శుభారంభం చేసింది. లిస్బన్లో జరిగిన మ్యాచ్లో వేల్స్పై 1-0 తేడాతో విజయం సాధించింది. జావో ఫెలిక్స్ 22వ నిమిషంలో చేసిన ఏకైక గోల్ పోర్చుగల్కు మూడు పాయింట్లను అందించింది.
మ్యాచ్ ప్రారంభం నుంచే పోర్చుగల్ దాడులకు దిగింది. 22వ నిమిషంలో నూనో మెండెస్ అందించిన అవకాశాన్ని జావో ఫెలిక్స్ సద్వినియోగం చేసుకున్నాడు. బాక్స్ వెలుపలి నుంచి అతను కొట్టిన షాట్ వేల్స్ కెప్టెన్ బెన్ డేవిస్కు స్వల్పంగా తగిలి గోల్లోకి వెళ్లింది. దీంతో పోర్చుగల్ 1-0 ఆధిక్యంలోకి వెళ్లింది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
రొనాల్డోకు అవకాశాలు.. గోల్ దక్కలేదు
ఈ మ్యాచ్లో క్రిస్టియానో రొనాల్డోపై అభిమానుల దృష్టి నిలిచింది. లిస్బన్లో తన పాత క్లబ్ స్పోర్టింగ్ మైదానంలో చాలాకాలం తర్వాత ఆడిన రొనాల్డోకు పలు గోల్ అవకాశాలు లభించాయి. అయితే వాటిని సద్వినియోగం చేసుకోలేకపోయాడు. రెండో అర్ధభాగంలో రొనాల్డో బంతిని నెట్లోకి పంపినా.. వీడియో సహాయక రిఫరీ సమీక్ష తర్వాత అతను ఆఫ్సైడ్లో ఉన్నట్లు తేలడంతో గోల్ను రద్దు చేశారు. 67వ నిమిషంలో రొనాల్డోను జార్జ్ జీసస్ మైదానం నుంచి తప్పించారు.
