రాష్ట్రంలో నెలకొన్న కరువు పరిస్థితులు, సాగునీటి కొరతపై బీఆర్ఎస్ సీనియర్ నేత, మాజీ మంత్రి తన్నీరు హరీశ్రావు ముఖ్యమంత్రి రేవంత్రెడ్డిపై తీవ్ర విమర్శలు చేశారు. రాష్ట్రంలో కరువు పరిస్థితులకు ఎల్నినో కారణం కాదని, కాంగ్రెస్ ప్రభుత్వ వైఫల్యమే ప్రధాన కారణమని ఆయన ఆరోపించారు. అందుబాటులో ఉన్న నీటిని సద్వినియోగం చేసుకోవడంలో ప్రభుత్వం విఫలమైందని విమర్శించారు.
వనపర్తి జిల్లా మండలం ఆల్వాల్ గ్రామంలో ఎండిపోయిన వరి పొలాలను పరిశీలించిన అనంతరం రైతుల సమావేశంలో ఆయన మాట్లాడారు. శ్రీశైలం జలాశయం నుంచి నీటిని తరలించేందుకు కల్వకుర్తి ఎత్తిపోతల పథకంలోని ఐదు మోటార్లను 24 గంటల పాటు నడపాలని హరీశ్రావు ప్రభుత్వాన్ని కోరారు. ఇంకా 30 నుంచి 40 టీఎంసీల నీటిని తరలించే అవకాశం ఉందని ఆయన తెలిపారు. ఈ నీటితో ఆ ప్రాంతంలోని చెరువులను నింపితే భూగర్భ జలాలు పెరిగి బోర్లు తిరిగి పనిచేసే అవకాశం ఉంటుందని ఆయన చెప్పారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రాజెక్టుల నిర్వహణపై సూచనలు
పాలమూరు-రంగారెడ్డి ఎత్తిపోతల పథకంలోని పూడికను తొలగించి, నార్లాపూర్ నుంచి కరివెన, వట్టెం రిజర్వాయర్ల వరకు నీటిని నింపాలని ఆయన సూచించారు. తద్వారా ప్రజలకు తాగునీరు, పశువులకు నీరు అందడంతో పాటు రైతులకు ప్రయోజనం కలుగుతుందని ఆయన పేర్కొన్నారు. జూరాల ప్రాజెక్టు నుంచి మరో 15 రోజుల పాటు కృష్ణా జలాలను విడుదల చేసి, చేతికొచ్చే దశలో ఉన్న ఖరీఫ్ పంటలను కాపాడాలని హరీశ్రావు డిమాండ్ చేశారు. నీరు అందక వరి పంటలు ఎండిపోతున్నాయని, రైతులు తీవ్రంగా నష్టపోతున్నారని ఆయన ఆవేదన వ్యక్తం చేశారు.
