అమెరికాలోని టెక్సాస్లో ఇమ్మిగ్రేషన్ అధికారులు జరిపిన కాల్పుల్లో గాయపడిన 28 ఏళ్ల వెనిజులా వ్యక్తిని ఆసుపత్రి నుంచి విడుదల చేసిన అనంతరం ఇమ్మిగ్రేషన్ అండ్ కస్టమ్స్ ఎన్ఫోర్స్మెంట్ (ఐస్) నిర్బంధ కేంద్రానికి తరలించారు. అయితే, అతడి వెన్నులో బుల్లెట్ ఇంకా అలాగే ఉన్నప్పటికీ అతడిని కస్టడీలోకి తీసుకున్నారని అతడి న్యాయవాది తెలిపారు.
విల్బర్ రాఫెల్ గార్సెస్ పెరెజ్ అనే వ్యక్తి ఆస్టిన్లో డోర్డాష్ డెలివరీ చేస్తుండగా ఈ ఘటన జరిగినట్లు అతడి న్యాయవాది కేట్ లింకన్-గోల్డ్ఫించ్ వెల్లడించారు. గుర్తు తెలియని వాహనంలో ఉన్న ఐస్ అధికారులు తన కారును రెండుసార్లు ఢీకొట్టారని, అనంతరం తనపై కాల్పులు జరిపారని పెరెజ్ ఆరోపించాడు. అయితే, ఈ ఘటనపై అధికారుల వాదన భిన్నంగా ఉంది. ఆస్టిన్ పోలీసులు పెరెజ్ కాలినడకన పారిపోయాడని పేర్కొన్నారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
కాల్పుల్లో బుల్లెట్ అతడి వెన్నెముకకు సమీపంలో చిక్కుకుపోవడంతో వైద్యులు దానిని తొలగించలేదని పెరెజ్ తెలిపాడు. ఆసుపత్రి నుంచి విడుదలైన తర్వాత తనను దక్షిణ టెక్సాస్ ఐస్ ప్రాసెసింగ్ సెంటర్కు తరలించారని, అక్కడ తీవ్రమైన నొప్పితో ఉన్నప్పటికీ తగిన వైద్యసాయం, నొప్పి నివారణ మందులు అందలేదని అతడు చెప్పాడు.
