పీఆర్సీ కమిటీ ఏర్పాటు, సీపీఎస్ రద్దుపై తక్షణ నిర్ణయం: ఎస్.టి.యు. రాష్ట్ర అధ్యక్షులు మల్లు రఘునాథ రెడ్డి

సీపీఎస్ రద్దుపై స్పష్టత ఇవ్వాలని డిమాండ్

సీపీఎస్ రద్దు అంశం ఉద్యోగ, ఉపాధ్యాయ వర్గాల్లో అత్యంత ప్రాధాన్యత కలిగిన సమస్యగా ఉందని ఆయన పేర్కొన్నారు. సీపీఎస్ విధానం వల్ల భవిష్యత్ పెన్షన్ భద్రతపై ఉద్యోగుల్లో ఆందోళన ఉందని, ఈ అంశాన్ని ప్రభుత్వం సానుకూలంగా పరిశీలించి పాత పెన్షన్ విధానాన్ని పునరుద్ధరించే దిశగా చర్యలు చేపట్టాలని కోరారు.

సీపీఎస్ రద్దు విషయంలో ప్రభుత్వం ఇచ్చిన హామీలను అమలు చేసే దిశగా స్పష్టమైన నిర్ణయం ప్రకటించాలని, ఉద్యోగ సంఘాలతో చర్చించి కార్యాచరణ రూపొందించాలని మల్లు రఘునాథ రెడ్డి అన్నారు.

సమస్యల పరిష్కారానికి కార్యాచరణ

సమావేశంలో ఉద్యోగ, ఉపాధ్యాయులు ఎదుర్కొంటున్న వివిధ సమస్యలపై నాయకులు చర్చించారు. పెండింగ్లో ఉన్న సమస్యలను గుర్తించి, వాటి పరిష్కారం కోసం ప్రభుత్వానికి వినతిపత్రాలు సమర్పించడం, సంబంధిత అధికారులను కలిసి సమస్యలను వివరించడం వంటి కార్యక్రమాలను కొనసాగించాలని నిర్ణయించారు.

జిల్లా, మండల స్థాయిలో సంఘాన్ని మరింత బలోపేతం చేసి, ఉద్యోగ, ఉపాధ్యాయుల సమస్యలను క్రమబద్ధంగా ప్రభుత్వం దృష్టికి తీసుకెళ్లాలని రాష్ట్ర అధ్యక్షులు నాయకులకు సూచించారు.

ఉద్యోగ, ఉపాధ్యాయుల న్యాయమైన డిమాండ్ల సాధన కోసం చర్చలు, ప్రాతినిధ్యాలు, అవసరమైన ప్రజాస్వామ్య ఉద్యమ కార్యక్రమాల ద్వారా ప్రభుత్వంపై ఒత్తిడి తీసుకువచ్చేందుకు ఎస్.టి.యు. నిరంతరం కృషి చేస్తుందని మల్లు రఘునాథ రెడ్డి స్పష్టం చేశారు.

పాల్గొన్న నాయకులు

ఈ సమావేశంలో రాష్ట్ర కార్యవర్గ సభ్యులు ఇలియాస్ భాష, డి.వేణుగోపాల్ రెడ్డి, సీనియర్ నాయకులు యు.జయరామయ్య, వై.సుబ్రహ్మణ్యం రాజు, పి.రమణారెడ్డి, జిల్లా ప్రధాన, ఆర్థిక కార్యదర్శులు పాలకొండయ్య, సుబ్రహ్మణ్యం, రాష్ట్ర నాయకులు అరిఫుల్లా, జిల్లా బాధ్యులు బాబు పద్మాకర్, పి సుదర్శన్ రెడ్డి, వి.ప్రతాప్ రెడ్డి తదితరులు పాల్గొన్నారు.