కడపలో సీపీఐ ప్లీనరీ: 28న ర్యాలీ, బహిరంగ సభకు భారీ ఏర్పాట్లు

కడప నగరంలో సీపీఐ రాష్ట్ర సమితి ప్లీనరీ సమావేశాలు 28 నుంచి 30 వరకు జరగనున్నాయి. ఈ నేపథ్యంలో, 28వ తేదీన నిర్వహించనున్న ర్యాలీ, బహిరంగ సభ కోసం పార్టీ శ్రేణులు విస్తృత ఏర్పాట్లు చేస్తున్నాయి.

ప్లీనరీ సమావేశాల సందర్భంగా 28న జరిగే ర్యాలీ, బహిరంగ సభకు సన్నాహాలు ముమ్మరంగా సాగుతున్నాయి. ఉదయం 10 గంటలకు కోటిరెడ్డి సర్కిల్ నుంచి ర్యాలీ ప్రారంభమవుతుంది.

ఈ ర్యాలీ ఎన్టీఆర్ సర్కిల్, 7 రోడ్లు, గోకుల్ లాడ్జి మీదుగా కళాక్షేత్రం వరకు కొనసాగుతుందని సీపీఐ నగర కార్యదర్శి వైఎన్ వెంకట శివ తెలిపారు. అనంతరం కళాక్షేత్రంలో బహిరంగ సభ నిర్వహించనున్నట్లు ఆయన వెల్లడించారు.