గాయపడిన కార్యకర్తకు అండగా నిలిచిన రాజంపేట ఎంపీ మిథున్ రెడ్డి

రాజంపేట ఎంపీ పెద్దిరెడ్డి మిథున్ రెడ్డి రాజకీయాలకు అతీతంగా మానవత్వాన్ని చాటుకున్నారు. నామినేషన్ రోజు జరిగిన ఘర్షణలో తీవ్రంగా గాయపడి ఆసుపత్రిలో చికిత్స పొందుతున్న కార్యకర్త గుర్రప్పకు అండగా నిలిచారు. ఆయన వైద్య ఖర్చులన్నీ తానే భరిస్తానని హామీ ఇచ్చారు.

తంబళ్లపల్లి నియోజకవర్గం, మండలం, గుర్రంవాండ్లపల్లి పంచాయతీ పరిధిలోని నక్కలవారికోటకు చెందిన గుర్రప్ప, నామినేషన్ రోజు జరిగిన ఘర్షణలో తీవ్రంగా గాయపడి ఆసుపత్రిలో చికిత్స పొందుతున్నారు. ఈ విషయం తెలుసుకున్న ఎంపీ మిథున్ రెడ్డి వెంటనే స్పందించి, కష్టకాలంలో గుర్రప్పకు అండగా నిలుస్తూ, ఆసుపత్రి ఖర్చులన్నీ తానే భరిస్తానని హామీ ఇచ్చారు. ఇచ్చిన మాటకు కట్టుబడి ఆయన వైద్య ఖర్చులను భరిస్తూ మానవత్వానికి నిలువెత్తు నిదర్శనంగా నిలిచారు.

ఈ సంఘటన స్థానికంగా చర్చనీయాంశమైంది. కార్యకర్తల కష్టాలను తన కష్టాలుగా భావించి, ఆపదలో అండగా నిలవడం నిజమైన నాయకుడి లక్షణమని వైసీపీ శ్రేణులు కొనియాడుతున్నాయి. పదవులతో కాదు, కష్టకాలంలో అండగా నిలిచే మనసుతోనే నాయకుడి గొప్పతనం తెలుస్తుందని వారు అభిప్రాయపడుతున్నారు. ఎన్నికల హడావుడి నేపథ్యంలో, నామినేషన్ రోజు జరిగిన ఘర్షణలో గాయపడిన గుర్రప్ప పరిస్థితిని ఎంపీ స్వయంగా తెలుసుకొని పరామర్శించారు. వైద్యులతో మాట్లాడి మెరుగైన చికిత్స అందించాలని సూచించారు.