ఇందిరమ్మ ఇళ్లలో దీపావళి వేడుకలు: లబ్ధిదారులతో ప్రభుత్వ సలహాదారు మహమ్మద్ షబ్బీర్ అలీ

ఈ సందర్భంగా మహమ్మద్ షబ్బీర్ అలీ మాట్లాడుతూ, పేద కుటుంబాలకు సొంతింటి కలను సాకారం చేయాలనే లక్ష్యంతో తెలంగాణ ప్రభుత్వం ఇందిరమ్మ ఇళ్ల పథకాన్ని అమలు చేస్తోందని అన్నారు. సొంత ఇంటిలో కుటుంబ సభ్యులతో కలిసి దీపావళి పండుగ జరుపుకోవడం లబ్ధిదారులకు ఆనందాన్ని, ఆత్మవిశ్వాసాన్ని అందిస్తుందని తెలిపారు. ప్రతి పేద కుటుంబానికి గౌరవప్రదమైన నివాసం కల్పించడమే ప్రభుత్వ లక్ష్యమని పేర్కొన్నారు.

సంతోషంగా లబ్ధిదారులు

ఇందిరమ్మ ఇళ్ల లబ్ధిదారులు తమ నూతన గృహాలను దీపాలతో అలంకరించి, కుటుంబ సభ్యులతో కలిసి పండుగను ఆనందోత్సాహాలతో జరుపుకోవడం సంతోషంగా ఉందని తెలిపారు.

అధికారుల భాగస్వామ్యం

ఈ కార్యక్రమాల్లో జిల్లా గృహ నిర్మాణ శాఖ ప్రాజెక్టు డైరెక్టర్, డిప్యూటీ ఈఈ, గృహ నిర్మాణ శాఖ అధికారులు, తహసీల్దార్లు, ఎంపీడీవోలు, ఎంపీఓలు, ఏఈలు, సర్పంచులు, పంచాయతీ కార్యదర్శులు, ఇతర మండల స్థాయి అధికారులు, ప్రజాప్రతినిధులు పాల్గొన్నారు.