తెలుగుదేశం పార్టీని వీడి జనసేనలో చేరిన వంగవీటి రాధాకృష్ణ, రాబోయే స్థానిక సంస్థల ఎన్నికల్లో విజయవాడ మేయర్ అభ్యర్థిగా బరిలోకి దిగుతారనే ప్రచారం ఊపందుకుంది. అయితే, ఈ నిర్ణయం ఆయన రాజకీయ భవిష్యత్తుకు ఎంతవరకు ఉపయోగపడుతుందనే ప్రశ్నలు రాజకీయ వర్గాల్లో వినిపిస్తున్నాయి. ఇప్పటివరకు మేయర్ అభ్యర్థిగా ఆయన పేరును అధికారికంగా ప్రకటించలేదు.
విజయవాడ రాజకీయాల్లో వంగవీటి రాధాకృష్ణ నిర్ణయం చర్చనీయాంశంగా మారింది. తెలుగుదేశం పార్టీని వీడి జనసేనలో చేరిన ఆయన, రాబోయే స్థానిక సంస్థల ఎన్నికల్లో విజయవాడ మేయర్ అభ్యర్థిగా బరిలోకి దిగుతారనే ప్రచారం ఊపందుకుంది. అయితే, ఈ నిర్ణయం ఆయన రాజకీయ భవిష్యత్తుకు ఎంతవరకు ఉపయోగపడుతుందనే ప్రశ్నలు రాజకీయ వర్గాల్లో వినిపిస్తున్నాయి. ఇప్పటివరకు మేయర్ అభ్యర్థిగా ఆయన పేరును అధికారికంగా ప్రకటించలేదు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
జనసేనలోకి ఎందుకు వెళ్లారు
దివంగత వంగవీటి మోహనరంగా కుమారుడిగా రాధాకృష్ణకు విజయవాడ రాజకీయాల్లో ప్రత్యేక గుర్తింపు ఉంది. గతంలో కాంగ్రెస్, ప్రజారాజ్యం, వైఎస్సార్ కాంగ్రెస్, తెలుగుదేశం పార్టీల్లో ఆయన పనిచేశారు. 2004లో కాంగ్రెస్ తరఫున విజయవాడ తూర్పు నియోజకవర్గం నుంచి ఎమ్మెల్యేగా ఎన్నికయ్యారు. అనంతరం జరిగిన ఎన్నికల్లో ఆయనకు ఆశించిన ఫలితాలు దక్కలేదు. 2009లో ప్రజారాజ్యం పార్టీ తరఫున విజయవాడ సెంట్రల్ నుంచి పోటీ చేసి ఓటమి పాలయ్యారు. 2012లో వైఎస్సార్ కాంగ్రెస్ పార్టీలో చేరిన ఆయన, 2014 ఎన్నికల్లో విజయవాడ తూర్పు నుంచి పోటీ చేసి ఓటమి పాలయ్యారు. 2019 ఎన్నికలకు ముందు తెలుగుదేశం పార్టీలో చేరినప్పటికీ, 2019, 2024 అసెంబ్లీ ఎన్నికల్లో ఆయనకు పార్టీ టికెట్ దక్కలేదు.
