ఉత్తరప్రదేశ్ ముఖ్యమంత్రి యోగి ఆదిత్యనాథ్ శనివారం ఢిల్లీలో ప్రధాని నరేంద్ర మోదీతో సమావేశమయ్యారు. ఉత్తరప్రదేశ్లో జరగనున్న రాజ్యసభ, శాసన మండలి ఎన్నికల నేపథ్యంలో ఈ భేటీ ప్రాధాన్యం సంతరించుకుంది. ఈ సందర్భంగా పలు రాజకీయ అంశాలపై చర్చ జరిగినట్లు సమాచారం.
ఉత్తరప్రదేశ్ ముఖ్యమంత్రి యోగి ఆదిత్యనాథ్ శనివారం ఢిల్లీకి చేరుకున్నారు. తన ఒకరోజు పర్యటనలో భాగంగా ప్రధాని నరేంద్ర మోదీతో భేటీ అయ్యారు. అనంతరం బీజేపీ జాతీయ అధ్యక్షుడు నితిన్ నబీన్తోనూ సమావేశం కానున్నారు. ఉత్తరప్రదేశ్లో జరగనున్న రాజ్యసభ, శాసన మండలి ఎన్నికల నేపథ్యంలో ఈ భేటీలు ప్రాధాన్యం సంతరించుకున్నాయి.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ప్రధాని మోదీతో సుమారు గంటపాటు చర్చ
యోగి ఆదిత్యనాథ్ ప్రధాని మోదీ అధికారిక నివాసానికి వెళ్లి ఆయనతో సమావేశమయ్యారు. దాదాపు గంటపాటు జరిగిన ఈ భేటీలో రాజ్యసభ ఎన్నికలతో పాటు ఉత్తరప్రదేశ్లోని ఇతర రాజకీయ అంశాలపై చర్చ జరిగినట్లు వార్తా కథనాలు పేర్కొన్నాయి. వచ్చే ఏడాది జరగనున్న అసెంబ్లీ ఎన్నికల సన్నాహకాలపై కూడా చర్చ జరిగినట్లు సమాచారం.
