కడప జడ్పీ కార్యాలయం వద్ద నామినేషన్ల కవరేజ్ చేస్తున్న మీడియా ప్రతినిధిపై దాడి జరిగిన ఘటనను డాక్సిన్ టైమ్స్ తీవ్రంగా ఖండించింది. విధి నిర్వహణలో ఉన్న జర్నలిస్టులపై దాడులు ప్రజాస్వామ్య విలువలకు విరుద్ధమని సంస్థ పేర్కొంది.
కడప నగరంలో మీడియా ప్రతినిధిపై జరిగిన దాడి ఘటనపై డాక్సిన్ టైమ్స్ ఆగ్రహం వ్యక్తం చేసింది. వార్తలను చిత్రీకరిస్తున్న మీడియా ప్రతినిధిని అడ్డుకొని, వారి ఫోన్ లాక్కొని, అందులోని వీడియోలను తొలగించడం హేయమైన చర్య అని సంస్థ పేర్కొంది. మీడియా స్వేచ్ఛను హరించేలా వ్యవహరించడం ప్రజాస్వామ్యానికి గొడ్డలిపెట్టు అని, ప్రజలకు వాస్తవాలను తెలియజేసే మీడియా గొంతు నొక్కే ప్రయత్నాలను సహించలేమని డాక్సిన్ టైమ్స్ తెలిపింది. ప్రజాస్వామ్యంలో మీడియా ప్రతినిధులకు రక్షణ కల్పించాల్సిన బాధ్యత ప్రభుత్వంపై ఉందని సంస్థ తెలిపింది. జర్నలిస్టులపై దాడులకు పాల్పడే వారిపై కఠిన చర్యలు తీసుకోవాలని, దాడి చేసిన వారిని గుర్తించి వెంటనే అరెస్ట్ చేయాలని డాక్సిన్ టైమ్స్ డిమాండ్ చేసింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
నామినేషన్ల ప్రక్రియలో వార్తా సేకరణకు వెళ్లిన జర్నలిస్టులకే భద్రత లేకపోతే ప్రజాస్వామ్యం ఎలా బతుకుతుంది అని, మీడియాపై దాడులు జరుగుతుంటే ప్రజాస్వామ్యం అసలు బతికి ఉందా లేదా అని డాక్సిన్ టైమ్స్ ప్రశ్నించింది. జర్నలిస్టుల విధులకు ఆటంకం కలిగించే వారిపై చట్టపరమైన చర్యలు తీసుకోవాలని సంస్థ కోరింది. మీడియా ప్రతినిధులకు స్వేచ్ఛగా విధులు నిర్వహించే వాతావరణం కల్పించాలని, ప్రజాస్వామ్య పరిరక్షణకు మీడియా స్వేచ్ఛను కాపాడాలని డాక్సిన్ టైమ్స్ విజ్ఞప్తి చేసింది.
