నేపాల్ ప్రధానమంత్రి బాలేంద్ర షా ఐక్యరాజ్యసమితి సాధారణ సభలో మాట్లాడుతూ, వాతావరణ మార్పులు, యుద్ధాలు, ఆహారంఇంధన సరఫరా వ్యవస్థల్లో అసమానతలను ప్రస్తావించారు. అభివృద్ధి చెందుతున్న దేశాలు తమకు కారణం కాని సంక్షోభాల భారాన్ని మోస్తున్నాయని ఆయన ఆవేదన వ్యక్తం చేశారు.
నేపాల్ వాతావరణ మార్పులకు పెద్దగా కారణం కాకపోయినా, దాని ప్రభావాలను తీవ్రంగా ఎదుర్కొంటోందని బాలేంద్ర షా అన్నారు. హిమనదులు కరుగుతున్నాయని, పర్వత ప్రాంతాల్లో కొండచరియలు విరిగిపడే ప్రమాదం పెరుగుతోందని, నదుల ప్రవాహాలు అనూహ్యంగా మారుతున్నాయని తెలిపారు. ఇటీవల సంభవించిన భారీ వరదలు, కొండచరియల విపత్తు దేశ అభివృద్ధిపై తీవ్ర ప్రభావం చూపిందని చెప్పారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ప్రపంచ వ్యవస్థలోని అసమానతలను వివరిస్తూ, ఆయుధాలు, మందుగుండు సామగ్రి అంతర్జాతీయ సరిహద్దులను వేగంగా దాటుతున్నప్పటికీ, రైతులకు ఎరువులు, ప్రజలకు ఇంధనం వంటి అవసరమైన వస్తువులు సకాలంలో అందడం లేదని షా వ్యాఖ్యానించారు. యుద్ధాలకు సంబంధించిన సరఫరా వ్యవస్థలు సమర్థంగా పనిచేస్తుండగా, ఆహారం, జీవనోపాధికి సంబంధించిన సరఫరా వ్యవస్థలు మాత్రం ఇబ్బందులు ఎదుర్కొంటున్నాయని ఆయన పేర్కొన్నారు.
