పాకిస్థాన్ వేదికగా జరుగుతున్న త్రికోణ వన్డే సిరీస్లో ఆతిథ్య జట్టు ఫైనల్కు దూసుకెళ్లింది. లాహోర్లో ఇంగ్లండ్తో జరిగిన కీలక మ్యాచ్లో పాకిస్థాన్ ఒక వికెట్ తేడాతో సంచలన విజయం సాధించింది. ఓటమి తప్పదనుకున్న దశలో షాదాబ్ ఖాన్ అద్భుత పోరాటంతో జట్టును గెలిపించాడు. ఇంగ్లండ్ నిర్దేశించిన 242 పరుగుల లక్ష్యాన్ని పాకిస్థాన్ 47.1 ఓవర్లలో 9 వికెట్లు కోల్పోయి ఛేదించింది.
ఈ విజయంతో న జరగనున్న ఫైనల్లో పాకిస్థాన్ తన స్థానాన్ని ఖాయం చేసుకుంది. 242 పరుగుల లక్ష్యంతో బరిలోకి దిగిన పాకిస్థాన్ బ్యాటర్లు ఆరంభంలోనే తడబడ్డారు. కీలక ఆటగాళ్లు త్వరగా ఔటవడంతో జట్టు తీవ్ర ఒత్తిడిలో పడింది. ఒక దశలో 154 పరుగులకే 9 వికెట్లు కోల్పోయి ఓటమి అంచున నిలిచింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
షాదాబ్ ఖాన్ వీరోచిత పోరాటం
ఈ సమయంలో షాదాబ్ ఖాన్ అసాధారణంగా పోరాడాడు. చివరి వికెట్ పడకుండా జాగ్రత్తగా ఆడుతూనే, అవసరమైన సమయంలో బౌండరీలు, సిక్సర్లతో స్కోరును ముందుకు తీసుకెళ్లాడు. షాదాబ్ 96 బంతుల్లో 113 పరుగులతో అజేయంగా నిలిచాడు. అతడి ఇన్నింగ్స్లో 13 ఫోర్లు, 5 సిక్సర్లు ఉన్నాయి. మరోవైపు హారిస్ రవూఫ్ కూడా చివరి వరకు క్రీజులో నిలిచి సహకరించాడు. వీరిద్దరూ పదో వికెట్కు అజేయంగా 89 పరుగులు జోడించి జట్టుకు విజయాన్ని అందించారు. వన్డేల్లో విజయవంతమైన లక్ష్య ఛేదనలో చివరి వికెట్కు ఇది రికార్డు భాగస్వామ్యంగా నిలిచింది.
