ఆదిలాబాద్ జిల్లా మండలం వాయిపేట గ్రామంలో గంజాయి సాగు కేసు దర్యాప్తునకు వెళ్లిన పోలీసులపై గ్రామస్థులు దాడికి పాల్పడ్డారు. ఈ ఘటనలో ఐదుగురు పోలీసు సిబ్బంది గాయపడగా, 20 మంది గ్రామస్థులను పోలీసులు అరెస్టు చేశారు. పోలీసు వాహనాన్ని ధ్వంసం చేయడంతో పాటు మొబైల్ ఫోన్ను లాక్కున్నారని అధికారులు తెలిపారు.
వాయిపేట గ్రామంలో న ఈ ఘటన చోటుచేసుకుంది. గంజాయి మొక్కలను స్వాధీనం చేసుకునే క్రమంలో పోలీసులకు, గ్రామస్థులకు మధ్య ఘర్షణ జరిగినట్లు అధికారులు వెల్లడించారు. ఈ దాడిలో ఇచ్చోడ సర్కిల్ ఇన్స్పెక్టర్ సీహెచ్ రమేష్, కానిస్టేబుల్ బత్తుల శివప్రసాద్, ఏఎస్ఐ రాథోడ్ బలిరామ్, ఏఆర్ సిబ్బంది గంగారాం, భీంరావు గాయపడ్డారు. గాయపడిన వారిని చికిత్స నిమిత్తం ఆసుపత్రికి తరలించారు. కానిస్టేబుల్ శివప్రసాద్కు చేతి ఎముక విరిగినట్లు వార్తా కథనాలు పేర్కొన్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
గంజాయి కేసు విచారణలో ఘర్షణ
ఆదిలాబాద్ జిల్లా పోలీసు సూపరింటెండెంట్ అఖిల్ మహాజన్ వెల్లడించిన వివరాల ప్రకారం, గంజాయి సాగుకు సంబంధించిన కేసు దర్యాప్తులో భాగంగా పోలీసులు గ్రామానికి వెళ్లారు. అంతకుముందు ఈ కేసులో రాము అనే వ్యక్తిని పోలీసులు అదుపులోకి తీసుకున్నారు. అతడిని అరెస్టు చేసిన నేపథ్యంలో కొందరు గ్రామస్థులు గుంపుగా ఏర్పడి పోలీసులపై దాడికి పాల్పడినట్లు పోలీసులు ఆరోపించారు.
