ప్రజా సమస్యల పరిష్కార వేదిక (PGRS)లో భాగంగా గుంటూరు జిల్లా కలెక్టరేట్లో ఒక మానవీయ సంఘటన చోటుచేసుకుంది. పక్షవాతంతో బాధపడుతున్న ఒక వ్యక్తి తన భూసమస్యను చెప్పుకోవడానికి ఆటోలో కలెక్టరేట్కు రాగా, జిల్లా కలెక్టర్ నాగలక్ష్మి సెల్వరాజన్ స్వయంగా ఆటో వద్దకే వెళ్లి సమస్యను ఆలకించి పరిష్కరించారు.
గుంటూరు జిల్లా కలెక్టరేట్లో గురువారం ప్రజా సమస్యల పరిష్కార వేదిక (PGRS) కార్యక్రమం జరిగింది. ఈ సందర్భంగా, మంచానికే పరిమితమైన ఒక పక్షవాత బాధితుడు తన భూసమస్యను పరిష్కరించుకోవాలనే ఆశతో ఆటోలో కలెక్టరేట్కు వచ్చారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఈ విషయం తెలుసుకున్న జిల్లా కలెక్టర్ నాగలక్ష్మి సెల్వరాజన్, వెంటనే స్పందించారు. తన కాన్ఫరెన్స్ హాల్ నుండి కిందికి దిగివచ్చి, ఆటోలోనే ఉన్న బాధితుడి వద్దకు చేరుకున్నారు. ఆయన సమస్యలను ఓపికగా, సానుభూతితో ఆలకించారు.
