గ్రామాల భద్రతకు ప్రజల భాగస్వామ్యం కీలకం: డీఎస్పీ శ్రీనివాస్‌రావు

ప్రస్తుతం పెరుగుతున్న సైబర్ మోసాల పట్ల అప్రమత్తంగా ఉండాలని, తెలియని వ్యక్తులకు ఓటీపీలు, బ్యాంకు వివరాలు, వ్యక్తిగత సమాచారాన్ని ఇవ్వొద్దని ఆయన సూచించారు. యువత మత్తు పదార్థాలకు దూరంగా ఉండేలా తల్లిదండ్రులు, ఉపాధ్యాయులు ప్రత్యేక శ్రద్ధ తీసుకోవాలని కోరారు.

రోడ్డు ప్రమాదాల నివారణకు ట్రాఫిక్ నిబంధనలు తప్పనిసరిగా పాటించాలని, ద్విచక్ర వాహనదారులు హెల్మెట్, కారులో ప్రయాణించే వారు సీటుబెల్ట్ ధరించాలని సూచించారు. ప్రతి గ్రామంలో సీసీ కెమెరాలు ఏర్పాటు చేసుకోవడం వల్ల నేరాల నియంత్రణతో పాటు నిందితులను త్వరగా గుర్తించేందుకు వీలవుతుందని తెలిపారు.

గ్రామాల్లో అనుమానాస్పద వ్యక్తులు, సంఘటనలు కనిపిస్తే వెంటనే పోలీసులకు సమాచారం అందించాలని ఆయన పిలుపునిచ్చారు. కార్యక్రమంలో పోలీసు అధికారులు, గ్రామ ప్రజాప్రతినిధులు, యువకులు, మహిళలు, గ్రామస్తులు పాల్గొన్నారు.