బిల్లులు లేని 33 లక్షల వెండితో పట్టుబడ్డ ఇద్దరు వ్యాపారులు

ఆదోని, జూన్ 28

ఎమ్మిగనూరుకు చెందిన వెండి వ్యాపారులు షేక్ షాకీర్, అక్షయ్ జాదవ్ ఆదోని నుంచి ఎమ్మిగనూరుకు స్కూటీపై వెళ్తుండగా, పోలీసులు తనిఖీల్లో అనుమానాస్పదంగా పట్టుబడ్డారు. వారి స్కూటీలో బిల్లులు లేని 13.5 కిలోల వెండి బిస్కెట్లు, సుమారు రూ.33 లక్షల విలువైన సొమ్మును స్వాధీనం చేసుకున్నారు.

ఎమ్మిగనూరు పట్టణానికి చెందిన వెండి వ్యాపారులు షేక్ షాకీర్, అక్షయ్ జాదవ్ ఆదోనిలో వ్యాపార లావాదేవీలు ముగించుకుని స్కూటీపై తిరిగి వెళ్తుండగా, పట్టణ శివారులో పోలీసులు నిర్వహించిన వాహన తనిఖీల్లో అనుమానాస్పదంగా పట్టుబడ్డారు. వారి స్కూటీలో భారీగా వెండి బిస్కెట్లు కనిపించాయి. వీటి కొనుగోలుకు సంబంధించిన బిల్లులు, ఇన్వాయిస్‌లు లేదా ఇతర ధ్రువీకరణ పత్రాలను చూపించలేకపోవడంతో పోలీసులు అనుమానం వ్యక్తం చేశారు.