కౌలు డబ్బులడిగిన వృద్ధుడిపై దాడి కేసు: నిందితుడికి ఏడాది జైలు శిక్ష, జరిమానా

ఈ ఘటనపై బాధితుని ఫిర్యాదు మేరకు అప్పటి సంబేపల్లి ఎస్ఐ ఎం.హాసం 2018లో కేసు నమోదు చేశారు. రాయచోటి సబ్ డివిజన్, సంబేపల్లి పోలీస్ స్టేషన్ క్రైమ్ నెంబర్: 295/2018, సెక్షన్లు 324,325 కింద ఈ కేసు నమోదైంది. పోలీసులు పకడ్బందీగా దర్యాప్తు చేపట్టి, సరైన ఆధారాలను సేకరించి కోర్టులో త్వరితగతిన ఛార్జ్ షీట్ ( నెంబర్ 508/2019) దాఖలు చేశారు.

కోర్టు తీర్పు వివరాలు

ఈ కేసుపై రాయచోటి ప్రిన్సిపల్ జూనియర్ సివిల్ కోర్టు న్యాయమూర్తి శ్రీ టి. సుయోధన గారి ఎదుట విచారణ జరిగింది. నిందితుడు పాపయ్యపై నేరం రుజువు కావడంతో, అతనికి ఒక సంవత్సరం జైలు శిక్షతో పాటు 5,000/- జరిమానా విధిస్తూ న్యాయమూర్తి తుది తీర్పు వెలువరించారు.

ఎస్పీ ప్రశంసలు

ఈ తీర్పుపై అన్నమయ్య జిల్లా ఎస్పీ ధీరజ్ కునుబిల్లి ఐపీఎస్ హర్షం వ్యక్తం చేశారు. వృద్ధులు, బలహీన వర్గాలపై దాడులకు పాల్పడితే ఎంతటి వారైనా చట్టం ముందు శిక్షార్హులేనని ఈ తీర్పు స్పష్టం చేస్తోందని ఆయన అన్నారు. ఈ కేసును సమర్థవంతంగా పర్యవేక్షించి నిందితుడికి శిక్ష పడేలా చేసిన రాయచోటి డీఎస్పీ ఎం.ఆర్. కృష్ణమోహన్, రాయచోటి రూరల్ సీఐ ఎస్.కె. రోషన్, సంబేపల్లి ఎస్ఐ జి. రవికుమార్ లను ఎస్పీ ప్రత్యేకంగా అభినందించారు.

అలాగే, న్యాయస్థానంలో వాదనలు బలంగా వినిపించిన అడిషనల్ పబ్లిక్ ప్రాసిక్యూటర్ ఎస్.లక్ష్మి సాయి రామకృష్ణను, సాక్షులను సకాలంలో కోర్టులో హాజరుపరచడంలో కీలక పాత్ర పోషించిన కోర్టు కానిస్టేబుల్ జి. శివశంకర్, లైజన్ ఆఫీసర్ వి. మస్తాన్ వలి ల పనితీరును కూడా ఆయన ప్రశంసించారు.