వైద్యుడి సంతకం, సీల్ నకిలీ.. కల్యాణలక్ష్మి, షాదీ ముబారక్ కోసం దుర్విన…

జూలై 22న మధ్యాహ్నం కొన్ని వైద్య ధ్రువపత్రాలను పరిశీలించిన డాక్టర్ సంతోష్, వాటిపై ఉన్న సంతకాలు తనవి కావని, తన అధికారిక సీల్‌ను కూడా అనుమతి లేకుండా దుర్వినియోగం చేసినట్లు గుర్తించినట్లు ఫిర్యాదులో పేర్కొన్నారు. ఈ నకిలీ ధ్రువపత్రాలను కల్యాణలక్ష్మి, షాదీ ముబారక్ సంక్షేమ పథకాల లబ్ధి కోసం వినియోగించి ఉండొచ్చని అనుమానం వ్యక్తమైంది.

ఈ చర్యలతో ప్రభుత్వ రికార్డుల విశ్వసనీయత దెబ్బతినడంతో పాటు వైద్యుని ప్రతిష్ఠకు భంగం కలిగే అవకాశం ఉందని పేర్కొన్నారు. ఫిర్యాదు మేరకు సంబంధిత చట్టాల కింద కేసు నమోదు చేసిన పోలీసులు, నకిలీ సంతకాలు, అధికారిక సీల్ దుర్వినియోగానికి పాల్పడిన వ్యక్తులు, వారి సహకారుల వివరాలను వెలికితీసేందుకు సమగ్ర దర్యాప్తు కొనసాగిస్తున్నారు.

ఈ ఘటనపై పట్టణ సీఐ నరహరి మరిన్ని వివరాలు వెల్లడించారు. కల్యాణలక్ష్మి, షాదీ ముబారక్ ప్రయోజనాల కోసం నకిలీ ధ్రువపత్రాల వినియోగంపై పోలీసుల దర్యాప్తు కొనసాగుతోంది.