ఆర్టీవో చలాన్ పేరుతో సైబర్ మోసం: అప్రమత్తతతో ఉండాలని కామారెడ్డి పోలీస…

మోసాన్ని గుర్తించిన బాధితుడు వెంటనే జాతీయ సైబర్ హెల్ప్‌లైన్ 1930కు కాల్ చేసి ఫిర్యాదు చేయగా, అధికారులు తక్షణమే స్పందించి అవసరమైన చర్యలు ప్రారంభించారు.

ఈ ఘటన నేపథ్యంలో కామారెడ్డి పోలీసులు ప్రజలకు కీలక సూచనలు చేశారు. తెలియని నంబర్ల నుంచి వచ్చే APK ఫైళ్లు, అనుమానాస్పద లింకులు లేదా యాప్‌లను ఎట్టి పరిస్థితుల్లోనూ డౌన్‌లోడ్ చేయవద్దని, ఓపెన్ చేయవద్దని హెచ్చరించారు. ప్రభుత్వ శాఖలు, ఆర్టీవో లేదా ట్రాఫిక్ పోలీసులు సాధారణంగా APK ఫైళ్ల రూపంలో చలాన్ నోటీసులు పంపరని స్పష్టం చేశారు.

ఎలాంటి సందేహాస్పద సందేశాలు వచ్చినా వెంటనే తొలగించాలని, పొరపాటున ఓపెన్ చేసి డబ్బులు మోసపోయినట్లయితే ఆలస్యం చేయకుండా 1930కు కాల్ చేసి, అధికారిక సైబర్ క్రైమ్ పోర్టల్‌లో ఫిర్యాదు నమోదు చేయాలని సూచించారు. ప్రజలు అప్రమత్తంగా ఉండి తెలియని యాప్‌లు, లింకులకు దూరంగా ఉంటే ఇలాంటి సైబర్ మోసాలను సమర్థవంతంగా నివారించవచ్చని కామారెడ్డి పోలీసులు తెలిపారు.