దేశవ్యాప్తంగా నకిలీ రూ.20 నాణేలను తయారు చేసి సరఫరా చేస్తున్న ముఠాను ఢిల్లీ క్రైమ్ బ్రాంచ్ పోలీసులు గుట్టురట్టు చేశారు. ఈ కేసులో ప్రధాన నిందితుడితో సహా నలుగురిని అరెస్ట్ చేసి, సుమారు రూ.లక్ష ముఖ విలువ కలిగిన నకిలీ నాణేలను స్వాధీనం చేసుకున్నారు.
కారు వెనుక సీటులో ఉన్న నల్లటి ల్యాప్టాప్ బ్యాగ్, ప్లాస్టిక్ సంచుల్లో నకిలీ నాణేలను గుర్తించారు. మొత్తం 50 పాలిథిన్ ప్యాకెట్లలో ఒక్కో ప్యాకెట్కు 100 చొప్పున రూ.20 నాణేలు ఉన్నాయి. అంటే మొత్తం 5,000 నాణేలు కాగా, వాటి ముఖ విలువ రూ.లక్షగా పోలీసులు వెల్లడించారు. నాణేలతో పాటు ఐఫోన్, ల్యాప్టాప్ బ్యాగ్, సరుకు రవాణాకు ఉపయోగించిన కారును స్వాధీనం చేసుకున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రూ.లక్ష నాణేలను రూ.70 వేలకే సరఫరా
పోలీసుల విచారణలో పారస్ జైన్ కీలక విషయాలు వెల్లడించినట్లు అధికారులు తెలిపారు. పంజాబ్కు చెందిన ఉప్కార్ లూథ్రా అలియాస్ అభయ్ ప్రతాప్ సింగ్ నుంచి ఈ నాణేలను కొనుగోలు చేసినట్లు చెప్పాడు. రూ.లక్ష ముఖ విలువ కలిగిన నకిలీ నాణేలను ఉప్కార్ సుమారు రూ.70 వేలకే సరఫరా చేసేవాడని పోలీసుల దర్యాప్తులో వెల్లడైంది. వాటిని మార్కెట్లో చలామణి చేసి లాభాలు పొందేందుకు ముఠా ప్రయత్నించినట్లు పోలీసులు అనుమానిస్తున్నారు.
